2013/03/27

Лежио Мариа бүлгэмийн онцгой ёслол



Манай "Гэгээн Эх Мариа" сүмийн Лежио Мариа залбиралын бүлгэмээс жил бүр хүндэтгэлийн ёслол буюу тангарга өргөх ёслол зохион байгуулдаг уламжлалтай билээ. Энэ жил 3-р сарын 26нд ёслолыг фр.Франциско Хо удирдан Солонгос болон Монгол итгэгчдээс бүрдсэн Лежио Мариа бүлгэмийн гишүүд хамтдаа энэхүү баяраа тэмдэглэсэн юм. Тэд тангарга өргөж энэхүү эрхэм үүрэг хариуцлагыг өөртөө авснаар залбиралын хатан, Гэгээн Эх Мариатай нэгдэн, Тэнгэрбурханы хайр хишгийг бусдад хүргэх ажлыг сайн дураараа гүйцэтгэж байгаа билээ. Энэ бол маш ач буянтай ажил бөгөөд өнгөрсөн хугацаанд тэд нар Гэгээн Эх Мариатай хамтран  чухам ямар сайн үйлсийн төлөө, хэдэн өвчтэй болон янз бүрийн зовлол шаналалтай хүмүүсийн төлөө залбирсныг тоолж баршгүй бизээ. Лежио Мариа бүлгэмийн гишүүд долоо хоног бүр сүм дээрээ яаран ирж, хамтдаа залбиран, баяр баяслаар дүүрэн болж байгааг харахад энэ нь тэдний хувьд амьдралын үнэ цэнэ, утга учир нь болсон байдаг. Тиймээс ч тэд нэг жилийн турш энэхүү баярын өдрөө тэсэн ядан хүлээж, хамтдаа тэмдэглэн өнгөрүүлдэг юм.Энэхүү тангарга өргөх ёслолд оролцсон бүх Лежио Мариа бүлгэмийн гишүүддээ баяр хүргэж байна.   

2013/03/26

2013 оны 3 сарын 24нд "Зовлон Шаналалын Ням гараг"-н Номлол



1-р уншлага: Исаиа 50:4-7
2-р уншлага: Флиппой 2:6-11
Айлдал: Лук 22:14-23:56

Номлол сонсох:

Аудио бичлэг гартал түр хүлээнэ үү:
2013_03_24_nomlol.mp3 Listen on Posterous

2013/03/20

“Habemus Papam” = “Бид нар шинэ Паптай боллоо”


Эзэний доторх хайрт ахан дүүс нар минь

Хамба лам Жорж Марио Бэрголиогийн Пап ламаар сонгогдсон явдал нь 16-р Бенедиктийн чөлөөндөө гарах болсон тухай гэнэтийн гайхшруулсан мэдээний талаархи яриаг болон түүний үйл хэргийг чухам хэн залгамжлах талаарх бодол таамаглалуудыг намдаалаа. 

Ариун Эцэг урт наслах болтугай!
Ядуусыг болон нийгмээс тусгаарлагдагсдыг хамгаалагч хэмээн тунхаглагдсан Шашны сайн удирдагчийг өгсөн Тэнгэрбурхандаа дэлхийн бүх католик сүсэгтнүүд бид нэгэн дуу хоолойгоор  талархцгаая. Пап лам Францис нь өвөг дээдсийнхээ замналаар амьдралаа удирдахыг хичээдэг нэгэн болох нь харагддаг бөгөөд өөрийнхөө папын нэрээр Гэгээн Ассисигийн  Францисын нэрийг сонгосон юм.
Шинэ Папынхаа төлөө биднийг удирдах мэргэн ухаан, зориг тэвчээр, шийдэмгий байдал ба үнэнч сэтгэлийг ерөөж Тэнгэрбурхандаа залбирцгаая. Түүний эгэл даруу байдал болон пасторал мэргэн ухаан нь бидэнд үлгэр дууриал болох болтугай.

Гэгээн Эх маань биднийг хамгаалж Тэнгэрбурханы төлөөх бидний хайр хүн бүрт Түүний бялхам ивээлийг шагнах болтугай. Би та бүхэндээ утга учиртай, ашиг тусаар дүүрэн Ариун долоо хоног ба Амилалтын баярыг хүсэн ерөөе!.

Хамба лам Вэнсэслао Падилла ССМ
Апостолик Тэргүүн/ Бишоп



"Хайрын Сургууль"-н багш нарын бясалгал


Манай “Гэгээн Эх Мариа” сүмийн “Хайрын Сургууль” -н багш нар болон баптизм хүртэх гэж буй залуус хамтран  МС систерүүдийн байранд  наминчлалын улиралд зориулан бясалгал зохион байгуулсан билээ. Энэхүү арга хэмжээнд 20 орчим залуучууд оролцсон бөгөөд 15 ны орой нь фр.Франциско Хо ирж энэхүү бясалгалын утга учир болоод ач холбогдлын талаар дэлгэрэнгүй тайлбарлан, нээлтийн үйл ажиллагааг удирдсан бол 16нд  фр.Проспер ирж семинар, эвлэрэх сакрамент, Миса болон 14 зогсоолыг удирдсан юм. Түүний явуулсан семинар залуучуудад маш их таалагдан олон зүйлийг ухаарч ойлгон, өөрийн үйлдсэн гэм бурууг гэмшин, дахин давтахгүй байж бусдын гэм бурууг ч мөн адил уучилж сурахын төлөө хичээхийн тулд Тэнгэрбурхантай хамт байхыг хүсэж буйгаа хүн бүр илэрхийлж байв. Мөн систер Шиханна болон бусад систерүүд энэхүү бясалгалд хэрэгтэй бүхнээр хангаж тусласан юм. Залуучууд богино хугацаанд маш их зүйлийг сурч, бясалган залбирч,  өөрсдийн сэтгэл санаагаа хуваалцаж, хамтдаа хооллон бас чөлөөт цагаараа тоглож наадан  бүгд сэтгэл хангалуун, баяр хөөртэй байлаа. Манай “Хайрын Сургууль”-н багш нар болон удахгүй баптизм хүртэх гэж буй залуучууд энэ бясалгалаар дамжуулан Тэнгэрбурханы хайр ивээлийг хүлээн авч амилалтын баяраа угтаж буй сайн мэдээг та бүхэнтэй хуваалцаж байгаадаа баяртай байна.                



2013/03/18

2013 оны 3 сарын 17нд "Наминчлалын улиралын 5 дахь Ням гараг"-н Номлол


1-р уншлага: Езекиел 37:12-14
2-р уншлага: Ром 8:8-11
Айлдал: Иохан 11:1-45

Номлол сонсох:
Аудио бичлэг гартал түр хүлээн үү.


2013_03_17_nomlol.mp3 Listen on Posterous

2013/03/11

“Гэгээн Эх Мариа” паришийн ахлах ламын ёслол

Манай “Гэгээн Эх Мариа” паришийн ахлах лам фр.Стефано Ким өөрийн төрөлх нутаг Солонгос явах болсон тул 3 сарын 10ны Мисанд паришийн ахлах ламаар фр.Франциско Хог болгох ёслол тэмдэглэсэн билээ. Энэхүү Магтаал талархлын мөргөлийг Монгол дахь Католик шашны тэргүүн, хамба лам Венсэслао Падилла хүрэлцэн ирж удирдан, ёслолыг гүйцэтгэсэн бөгөөд бусад паришийн лам нар болон мишинерүүд ч мөн адил оролцсон юм. Тэнгэрбурханы сайн мэдээг дэлгэрүүлэгч фр.Стефано Ким бол Монголд ирээд “Гэгээн Эх Мариа” сүмийн ахлах ламаар 10 гаруй жил ажиллаж байгаа бөгөөд сүмийн итгэгчдийн итгэлийн амьдралд ихээхэн хувь нэмэр оруулсан юм. Тэрээр паришийн ахлах ламын хариуцлагатай ажлыг фр.Франциско Ход хүлээлгэн өгч буйдаа сэтгэл хангалуун байгаагаа тэмдэглэж байлаа. Мөн Мисанд ирсэн бүх итгэгчид фр.Стефано Кимийг удахгүй буцаж ирэхийг хүсээд, өнгөрсөн хугацаанд түүний хийж бүтээсэн зүйлд баярлаж талархснаа илэрхийлж байлаа. Бас ахлах ламаар томилогдсон фр.Франциско Ход бүх мишинерүүд ба итгэгчид баяр хүргэж байлаа. 


2013 оны 3 сарын 10нд "Наминчлалын улиралын 4 дэх Ням гараг"-н Номлол



1-р уншлага: 1 Самуел 16:1.6-7.10-13
2-р уншлага: Ефес 5:8-14
Айлдал: Иохан 9:1-41

Номлол сонсох:
Аудио бичлэг гартал түр хүлээнэ үү.



2013_03_10_nomlol.mp3 Listen on Posterous


2013/03/07

Мөргөлчид буцаж ирлээ

Саяхан “Гэгээн Эх Мариа” сүмийн итгэгчдийг төлөөлөн ариун газар болох Израйлийг зорисон ахан дүүс маань 3 сарын 5нд буцаж ирлээ. фр.Стефано Ким болон солонгос, монгол итгэгч нараас бүрдсэн энэхүү мөргөлчид үргэлж гартаа сарнайн эрхтэй залбирч явахдаа монгол итгэгч ахан дүүсийнхээ төлөө залбирч байсан бөгөөд итгэгчдийн дамжуулж өгсөн залбирлуудыг ч бас хүргэн, өөрсдийн итгэлийн амьдралаа ч маш их хөгжүүлсэн юм. Тэд олон түүхт ариун газруудаар явж бясалган явахдаа орчин үеийн Израйль ард түмний сүсэг бишрэлтэй танилцах боломжтой болжээ. Хоёр мянган жилийн өмнөөс одоог хүртэл өөрсдийн шашны ёс журам ба хуулийг хэрхэн хадгалж, сахин амьдарч байгааг нүдээрээ харсан билээ. Мөн  тэд эртнээс үйлдэж байсан зан үйлийг үргэлжлүүлэн хадгалж ирснээс зарим нэг нь бэлэг тэмдэг бүхий зан үйл болсон байжээ.  Орчин үеийн техник технологи, мэдээллийн эрин үед энэ ард түмэн өөрсдийн сүсэг бишрэлийн үнэ цэнийг алдахгүйн тулд хэрхэн хичээн амьдарч буйгаар тэдний сэтгэлийг харж болох юм. фр. Стефано Ким болон бусад мөргөлч ахан дүүс нартаа ариун газрыг зорин Тэнгэрбурханы ивээлийг хүлээн авч, бид бүхэнд сайн мэдээ дамжуулж байгаад талархал илэрхийлж байна.  

2013/03/06

Сайн дурын ажил

Манай Католик шашинд наминчлалын улиралд итгэгчид бусдыг энэрэн хайрлаж өглөг өгөх болон мацаг барих гэх мэт үйлсээр өөрсдийн хэмнэсэн  зүйлс болон өөрсдийн хэрэгтэй эд зүйлсээ цуглуулж бусадтай хуваалцаж, тусладаг уламжлалтай билээ. Саяхан манай "Гэгээн Эх Мариа" сүмээс нэн ядуу амьдралтай айлуудыг судлаад тэдэнд түлээ нүүрсээс авхуулаад хүнсний бүтээгдэхүүн болох мах, ногоо, гурил, будаа гэх мэт зүйлсийг хүргэж өгөн тэдний амьдрал ахуйтай танилцлаа. Үүнд манай нийгмийн ажилчид идэвхитэй оролцон долоо хоног бүр айлуудаар явж байлаа. Манай сүмийн ажилчид долоо хоног бүрийн нэг өдөр цагаан хоол идснээр хэмнэсэн мах болон бусад зүйлсээ нийлүүлэн энэхүү ажлыг тэд баяртайгаар хийж байсан бөгөөд бусдын аз жаргалын төлөө өөрсдийгөө зориулснаар аз жаргалтай болж Тэнгэрбурханы хайр хишгийг хүлээн авч байгаа нь Хрисчин хүний гол мөн чанар билээ. Тэнгэрбурханы нэрээр бусадтай хуваалцаж, тэднийг хайрлан энэрч баяр хөөр бэлэглэж буй бүх итгэгчиддээ талархал илэрхийлж байна. 

2013/03/05

2013 оны 3 сарын 3нд "Наминчлалын Улиралын 3 Ням Гараг"-н Номлол


1-р уншлага: Египтээс гарсан нь 3:1-8, 13-15
2-р уншлага:1Коринт 10:1-6, 10-12
Айлдал: Лук 13:1-9

Номлол сонсох:
Аудио бичлэг гартал түр хүлээнэ үү.


2013_03_03_nomlol.mp3 Listen on Posterous