2014/06/25

“Христийн Туйлын эрдэнэт бие ба цус” баярын миса

Зургадугаар сар бол манай Католик Шашны итгэгч нарын хувьд олон баяр давхацсан чухал өдрүүдээр дүүрэн өнгөрдөг билээ. 6.22ны ням гаригт манай “Гэгээн Мариа Сүм” дээр “Христийн Туйлын эрдэнэт бие ба цус” баярын мисаг тэмдэглэсэн юм. Мисаг фр.Эрнесто болон паришийн ахлах лам фр.Франциско нар удирдаж зөвлөлийн гишүүд маань бүх бэлтгэлийг зохион байгуулсан билээ. фр.Франциско номлолдоо энэхүү Христийн Туйлын эрдэнэт бие ба цусны утга учир болон хүмүүс хэрхэн бие ба цусыг хүндэтгэн үзэж, сургаж ирсэн талаар дэлгэрэнгүй тайлбарласан юм. Бид энэхүү ариун нандин бие ба цусыг хүндэтгэн үзэж, хүлээн авснаар зөвхөн Тэнгэрбурханы тааллын дагуу зөвт байдалд зориулах ёстой болохыг олон жишээгээр тайлбарлаж, номлосон билээ. Мөн Мисаны үеэр Солонгос улсаас Монголд хүрэлцэн ирсэн оюутнууд маань бид бүхэнд зориулан саш сайхан дуу дуулж өгсөнд бүгд баяртай байлаа. Тэд нар Монголд байх хугацаандаа сүмийн засварын олон янзын ажилд ихээхэн тус нэмэр оруулсанд бүх итгэгчдийн өмнөөс талархаж буйгаа илэрхийлж байна. Мөн Мисаны сүүлд Аманда эгч маань маш сонирхолтой түүх ярьж өгөн, сүмийн зөвлөлөөс итгэгчиддээ хандаж сайн санааны үйлсд зориулан хандив өргөхийг уриалсан билээ. Баярын мисандаа хүрэлцэн ирж, идэвхитэй оролцсон бүх итгэгч нартаа талархаж байна.      

2014/06/24

"Гэгээн Мариа Сүм"-ийн мэдээллийн булан

Миса бэлтгэх хуваарь
2014.06.22нд /10:30/     “Зөвлөлийн гишүүд”
2014.06.29нд /10:30/     “Зуунмод" бүлгэм

Эзэний өдрийн Мисандаа хүрэлцэн ирсэн бүх итгэгчиддээ баярлалаа..


  • 6.25ны  лхагва гаригт Миса 10:00 цагт сүм дээр,  оройн  Миса "Зуун мод"-д тус тус болно.
  • 6.29нд  "Гэгээн Петр ба Паул" паришийн баярын өдөрт зориулан Катедралд бүх  паришийн хамтарсан Миса болно. Автобус өглөө 10:00 цагт сүмээс хөдөлнө. жич: Спортийн тэмцээнд оролцсон ахан дүүс 29ны Мисандаа идэвхитэй оролцоно уу. 
  • 29ны өглөө Мисанд сууж амжаагүй ахан дүүс  "Гэгээн Мариа Сүм" дээр  орой 17:00   цагт болох Мисандаа ирнэ үү.
  • 7.13нд "Хээрийн Миса" болон "Бэсрэг Наадам" байгаа тул та бүхэн идэвхитэй оролцож, сайхан наадаарай. Ялангуяа ирээгүй удаж байгаа ахан дүүсээ урьж байна.
  • Баптизм хүртсэн бүх ахан дүүсийг долоо хоног бүрийн Мисаны дараа болдог "Библи хуваалцах бүлэг"-т урьж байна.  
  • Ирэх долоо хоногийн Миса бэлтгэх хариуцлагатай, Зуун мод бүлгэмийн ахан дүүс та   бүхэндээ амжилт хүсэж байна.

Энэ долоо хоногийн Мисаны уншлага болон айлдал 2014.06.22 - 2014.06.29


1-р уншлага
Дуулал
Айлдал
Даваа
Хаадын дээд  177:5-8,13
Дуулал 60
Маттай 7:1-5
Мягмар
Исаиа 49:1-6
Дуулал  139
Лук 1:57-66,80
Лхагва
Хаадын дэд 22:8,13,23
Дуулал  119
Матай  7:15-20
Пүрэв
Хаадын дэд 24:8-17
Дуулал  79
Матай  7:21-29
Баасан
Хаадын дэд 7:6-11
Дуулал  103
Матай 11:25-30
Бямба
Исаиа 61:9-11
Дуулал  74
Лук  2:41-51
Ням
Үйлс  12:1-112-р унш 2Тимот 4:6- 8,17-18
Дуулал 34
Матай  16:13-19

Та бүхэн "Гэгээн Мариа Сүм"-н цахим хуудстай танилцаж, мэдээлэл болон номлол сонсоно уу.
http://gegeenmariasum.wix.com/gegeenmariasum
http://gegeenmariasum.blogspot.com/

Пап лам Францисын уриалгаас

06/23/2014
Ойрхи Дорнодын Христчин хамт олны төлөө залбирцгаая. Тэд Христийн шашинтны төрсөн газар нутагтаа үргэлжлүүлэн амьдрах болтугай.

06/20/2014
Зовлон шаналал нүүрлэсэн үед хайхрамжгүй байдал гаргах явдал нь маш их тохиолддог. Бид буяны үйлсийг бодит хэрэг болгосноор энэхүү хайхрамжгүй байдлыг даван гарах болтугай.     
      
06/19/2014
Хэзээ ч итгэл найдвараа алдах шалтгаан байхгүй. Есүс бидэнд хэлэхдээ “Би ертөнцийн төгсгөл хүртэл та нартай хамт байна” хэмээсэн билээ.

06/17/2014
Бид заримдаа ахмад настнуудаа орхигдуулах явдал гардаг, гэтэл тэд бол үнэт эрдэнэ билээ: тэднийг орхигдуулах явдал нь шударга бус явдал бөгөөд нөхөж барамгүй алдаа юм.    

06/16/2014
Тэнгэрлэг Эзэн маань энэхүү хямралын цаг үед амьдарч буй гэр бүлүүдийг адислаж, тэднийг хүчирхэгжүүлэх болтугай.  

Пап лам Францисын Номлол

Пап лам Францис баасан гаригт, бидний зүрх сэтгэлийг хатууруулж, хэзээ ч жинхэнэ аз жаргалыг авч ирдэггүй тэрхүү мөнгө, нэр хүнд ба хүч чадалд сэтгэл татагдах байдлаас сэрэмжлүүлэв. Хөршөө хайрлах ба Тэнгэрбурханд сүсэглэн бишрэх явдал бол зүрх сэтгэлийг маань баярлуулдаг, жинхэнэ үнэт эрдэнэ билээ. Гэгээн Мартагийн өргөөнд болсон Массны үеэр Пап лам ийнхүү хэлжээ.                                                                                   Пап лам Францисын номлол нь тухайн өдрийн айлдал болох: дэлхий дээр өөртөө зориулан эд баялгийг бүү авч үлд хэмээн Есүсийн шавь нартаа хэлсэн уншлага дээр тулгуурласан байв. Энэ дэлхий дэх эд баялгийн хамгийн эхэнд ордог мөнгө нь хөрөнгийн зах зээл дэх дур хүсэл болон хулгайчдаас үүдэлтэй эрсдэлд хүргэдэг юм. Мөнгө бол өөрсдийгөө болон гэр бүлээ дэмжихэд шаардагддаг, харин байнга л эд баялгаа нэмэгдүүлэх арга зам хайдаг хүмүүс эцэст нь өөрийн зүрх сэтгэлээ алддаг болохыг тэрээр сэрэмжлүүлсэн билээ.         Өөр нэг дэлхийн эд баялаг бол, өөрийн залбирал ба хувь хандиваар томоохон шоу үзүүлэн, ердөө Есүсийн өдрийн хуурамч дүр үзүүлж, үргэлж бусдын анхаарал татахыг хичээдэг тэдгээр хүмүүсийн нэр хүнд болон бардам зангийн талаар Пап лам ярьсан билээ.  Хэрэв чи эдгээр эд баялгийг эрэлхийлдэг бол зүрх сэтгэл чинь гинжлэгдэх болно, гэтэл Есүс бидний зүрх сэтгэлийг чөлөөлхийг хүсэж байна, хэмээн Пап лам Францис хэлэв. Харин хайр, тэвчээр, бусдад үйлчлэх болон Тэнгэрбурханд сүсэглэн биширдэг энэхүү тэнгэрлэг эд баялгийг л зөвхөн эрэлхийлвэл бидний зүрх сэтгэл чөлөөлөгдөж чадна. Эдгээр эд баялагууд нь Пап ламын хэлсэнчлэн сайжруулагч сайн дарстай адил, биднийг эрх чөлөөтэй бас гэгээлэг зүрх сэтгэлд хөтлөх болно. Тэрээр төгсгөлд нь дэлхийн эд баялгийн боолчлолоос зүрх сэтгэлээ салган чөлөөлж чадах оюун санааны хэрсүү ухааны төлөө залбирч байна, тэгснээр бид Тэнгэрбурханы хүүхдүүдийн адил амьдарч, жинхэнэ баяр хөөр ба эрх чөлөөг мэдэх болтугай хэмээн залбирсан билээ.          

2014/06/17

Пап Лам Францисын уриалгаас

06/16/2014
Тэнгэрлэг Эзэн маань гэр бүлийг адислаж, ялангуяа энэхүү хямралын цаг үед тэднийг хүчирхэгжүүлэх болтугай.  

06/14/2014
Бидэнд биечлэн нөлөөлдөггүй зовлон шаналалыг бид мартах эрсдэлтэй байдаг. Бид үүнд хариу өгөн, Сири дэх энх тайвны төлөө залбирах болтугай.  

06/13/2014
Бид Ариун Сүнсийг сөрөн зогсох бус харин түүнийг бидний амьрал дотор ажиллахыг зөвшөөрөх болтугай. Тэгснээр Ариун Сүнс биднийг, Шашныг болон дэлхийг шинэчлэх болно.     

06/12/2014
Би жинхэнэ ахан дүүсийн зүрх сэтгэлээр тоглодог, гайхамшигтай Дэлхийн Аваргын тэмцээн болохыг хүн бүрт хүсэн ерөөж байна.      

06/10/2014

Бэлгийн хүчирхийллийн дарамтанд хэлмэгдэгсэд, болон энэхүү гэмт хэргийг төгсгөхөөр ажиллаж буй бүх хүмүүсийн төлөө залбирцгаая.  

2014/06/14

"Лежио Мариа Бүлгэм"-н сайн үйлс

"Лежио Мариа Бүлгэм"-н гишүүд маань долоо хоног бүр хамтдаа цуглаад Залбирлын Хатан Мариа Эхээр зуучлуулан сүмийн ахан дүүс болон бусад хүмүүсийн төлөө залбирлаа өргөдөг уламжлалыг та бүхэн мэдэх бизээ. Үүнээс гадна гишүүд маань өөрсдөө итгэгч нарыг зорин очиж тэдний амьдрал ахуй, итгэлийн амьдралын талаар хуваалцах, өвчтэй зовлонтой хүмүүсийг зорин очиж залбирах гээд бусдад сайн үйлс бүтээн олон ажил хийдэг юм. Тэгвэл энэ удаа "Лежио Мариа Бүлгэм"-ийн гишүүд маань "Гэгээн Тэреза"-н нэрэмжит халамжийн төвд 6 сарын 9нд очиж хамтдаа "Сарнайн Эрхин залбирал"-аа залбирч, тэдний сэтгэл санаа ба эрүүл мэндэд их хувь нэмэр оруулсан байна. Энэхүү халамжийн төвд голдуу өвчтэй зовлонтой, гэр оронгүй хөгшин буурлууд амьдардаг билээ. Тэдний зарим нэг нь ямар ч хамаатан садангүй буюу орхигдсон байдаг тул Тэнгэрбурханы хайр энэрлийг ийнхүү хүргэж байгаа явдал нь тэдэнд урам зориг, хүч хайрлаж байгаа нь гарцаагүй юм. Тэнгэрбурханы хайр энэрлийг гэрчлэн ийнхүү сайн үйлс бүтээж буй "Лежио Мариа Бүлгэм"-н гишүүд болох Гүнчээ Жоржио болон Болор Гресина нартаа талархаж байна.

2014/06/10

Пап лам Францисын уриалгаас

06/09/2014
Бид бусдын тухай ар нуруугаар нь хэзээ ч бүү яригтун, харин тэдэнд өөрсдийн бодож буй зүйлээ нээлттэй ярих болтугай.  

06/08/2014
Ойрхи Дорнодын энх тайван байдал бий болоход зориулсан өнөөдрийн залбиралд бидэнтэй нэгдэхийг бүх сайн хүмүүсээс би гуйж байна.   

06/07/2014
Залбирал бол хэмжээлшгүй хүчирхэг. Ойрхи Дорнод болон дэлхийд энх тайван авчирахын төлөө залбирлыг ашиглацгаая.  

06/06/2014
Амар амгалан бол Тэнгэрбурханы бэлэг, гэхдээ биднээс хүчин чармайлт шаардагддаг. Залбирал болон үйлсээрээ амар тайвны ард түмэн байцгаая.   

06/05/2014
Сайн санаат Самари хүний нэгэн адил, бид тэдгээр зовж шаналж буй хүмүүсийн шарханд хүрэхээс ичилгүй, харин хайрын бодит үйлдлээр тэднийг идгээх болтугай.  

Пентекостын Баярын Миса

Манай "Гэгээн Мариа Сүм" дээр 6.8ны ням гаригт Пентекост буюу Ариун Сүнс буун ирсэн баярын Мисаг тэмдэглэсэн билээ. Энэ өдөр бол манай Католик Шашны хувьд том баяр бөгөөд дэлхий дахинд өргөн дэлгэр тэмдэглэдэг уламжлалтай. Баярын Мисаг фр.Эрнесто хүрэлцэн ирж удирдсан бөгөөд тэрээр хүрэлцэн ирсэн хүмүүст Пентикостын баярын мэнд хүргээд,  номлолдоо: Тэнгэрбурхан Ариун Сүнсээр хэрхэн шашныг үүсгэн бий болгосон, Шашны үүсэл хөгжилд Ариун Сүнс ямар үүрэг гүйцэтгэдэг болохыг тайлбарлав. Мөн Ариун Сүнсний ариун нандин, халуун дотно, хүчирхэг, энэрэл хайрын мөн чанараар Тэнгэрбурханыг бид хэрхэн мэдэж болохыг ойлгуулж өгсөн юм. Тиймээс бид Ариун Сүнсний заан сургаж буй зүйлсийг анхааралтай сонсож, дуулгавартай байх хэрэгтэй. Хэрэв бид Ариун Сүнсийг таниж мэдээд, түүнд дуулгавартай байвал, Ариун Сүнсний бэлэг болон үр жимсийг хүлээн авч, бусадтайгаа хуваалцах боломжтой билээ. Бидний хүн нэг бүр Католик Шашны итгэгч болох хүсэл эрмэлзэлтэй учраас сонголт хийгээд энд хүрэлцэн ирсэн. Харин бидний энэхүү хүсэл эрмэлзэл маань Ариун Сүнсний дуудлагаас урган гардаг юм. Тиймээс Ариун Сүнс ажиллаж буй газар Сүм ба Шашин оршин тогтнодог билээ хэмээн фр.Эрнесто номлолдоо олон зүйлийг тайлбарлаж өгсөн юм. Дараа нь хамтдаа Ариун Сүнсийг дуудан залбираад, сүмээс итгэгчдэд зориулан бэлтгэсэн Ариун Сүнсний бэлгүүдийг тараан өгч байлаа. Ариун Сүнсний буун ирсэн баярын Мисандаа хүрэлцэн ирсэн бүх итгэгч нартаа болон Мисаг бэлтгэсэн Нисэх бүлгэмийн ахан дүүстээ талархаж байна.  

2014/06/03

Пап лам Францисын уриалгаас

06/02/2014
Бид заримдаа бодолд дарагддаг үе тохиолддог. Тэнгэрлэг Эзэн минь, бид өөрсдийн сэтгэл зүрхээ бусдад нээж, хамгийн ихээр эмзэглэн хөндүүрлэж буй хүнд үйлчлэхэд бидэнд тусална уу.  
  
05/31/2014
Христчид маань амьдралынхаа хэцүү цаг мөчид Тэнгэрбурханы Эх рүү хандаснаар, хамгаалалт болон анхаарал халамжийг олж чаддаг билээ.  

05/30/2014
Христчин хүн бүр ажлын байрандаа, зөвхөн үгээр бус, харин бүхнээс дээд үнэнч амьдралаараа Тэнгэрбурхандаа гэрч болж чадна. 

05/29/2014
Бид жинхэнэ нөхөрлөлөөр уламжлан Есүстэй нэгдэх болтугай, тэгснээр түүнийг илүү ойроос дагаж, түүнтэй хамт байж түүний төлөө бид амьдрах болтугай.  

05/24/2014
Эрхэм хүндэт найз нөхөд минь, намайг Ариун Газарт эргэл мөргөл үйлдэх хугацаанд миний төлөө залбирч өгнө үү.


2014/06/02

Есүсийн Ариун Нандин Зүрхний сар

Зургадугаар сар бол Ариун Зүрхэнд зориулагдсан байдаг. Шашин нь Пентикостын дараах хоёр дахь Эзэний өдрийн Баасан гаригт, Есүсийн Ариун Зүрхний баяр ёслолыг тэмдэглэдэг билээ. Түүнчлэн шашны ёслол тэмдэглэн үйлдэхэд сүсэг бишрэлийн олон ёс заншил нь Есүсийн Ариун Зүрхтэй холбогдсон байдаг. Бүх сүсэг бишрэлээс Ариун Зүрхэнд сүсэглэх нь хамгийн өргөн тархсан Шашны түгээмэл тэмдэглэлт ёслолуудын нэг болон үлдсэн байна. Ариун Судрын гэрлийн ойлголтоор бол “Есүсийн Ариун Зүрх”-ний цаг хугацаа нь хүмүүний хамгийн гүн гүнзгий мөн чанар болох Тэнгэрбурханы хүү, мөнхөд орших цэцэн ухаан; хязгааргүй буяны үйлс, авралын итгэмжлэгч ба хүн төрөлхтний ариуслын тусгал, үүний оршин буй нь бүхэлдээ Христийн нууцыг үндсээр нь гэрчилдэг. “Ариун Зүрх” бол Христ, Үгийн амилалт, Аврагч, бодит үнэний агууламж, Ариун Сүнсэн дэх оршихуй, Эцэг ба түүний ахан дүүст зориулж байгаа тэнгэрлэг-хүмүүний хзгааргүй хайр билээ.                                                          Сүсэг бишрэлд зориулсан Ариун Сударын Үндэс
Есүс бол Эцэгтэй хамт байсан нэгэн (Иохан 10, 30) бөгөөд шавь нараа урихдаа өөртэйгөө дотно нэгдлээр амьдруулж, өөрийн зааснаар болон өөрийн биеэр тэдний амьдралынх нь загвар болохоор дууддаг билээ. Тэрээр “зүрх сэтгэлийн номхон даруу ба дөлгөөн” байдлаар өөрийгөө ээлжлэн үзүүлдэг (Матай 11, 29). Үүгээр “Шашны гайхалтай ариун ёслол”ын бэлэг тэмдэг (Августин гэгээнтэн), цус ба усыг  урсган, жадаар сүлбүүлж буй Христийн талд байгаа бүх Христэд итгэгчдийн харц, (Иохан 19, 37; Зак 12,10) хатгуулж байгаа түүнийг харж буй бүх Христчин хүмүүсийн харцнаас илчлэл ба сайн мэдээний гэрэл цацран Есүсийн Ариун Зүрхэнд сүсэглэж буйгаа тодорхой ухамсарлахыг хэлж болно.        
Тэнгэрлэг Эзэн өөрийн гар болон өөрийн талыг шавь нартаа үзүүлж буйг (Иохан 20,20)  Гэгээн Иоханы Айлдалд өгүүлдэг, мөн түүний урилга Томасын гарыг нь өөрийн талд болгодог (Иохан 20,27). Энэхүү үйл явдал нь Ариун Зүрхэнд сүсэглэх Шашны эх сурвалж ба хөгжилд гайхамшигтай нөлөө үзүүлсэн билээ. Эдгээр болон бусад эх бичгүүд нь ялалт байгуулсан болон амь үрэгдсэн пасчал Хургийг төлөөлдөг (Үйлс 5,6). Энэ нь өөрийн сургаалийнхаа баялгийг ил гаргаж буй Эцэгээр тусгалаа олж буй тусгагдахуун юм. Ийнхүү түүний талыг нээсэн шархыг тунгаан цэгнэж, итгэгчийг Христийн нууцад нэвтрэхийг урьсан билээ. Августин бичихдээ: “Нэвтрэн орох нь боломжтой зүйл”: Христ бол хаалга. Энэ нь түүний талыг жадаар онгойлгох үед чамд зориулагдан нээгдсэн юм. Түүний талаас урсан гарсан зүйлийг санаарай: иймээс Христэд нэвтрэн орохыг хүсэж буйгаа өөрөө сонгодог. Загалмай дээр зүүгдэн нас барж түүнийг жадаар хатгахад, Христийн талаас цус болон ус урсан гарч байлаа. Тэр усанд чиний ариусал гэгээрэл, тэрхүү цусанд чиний чөлөөлөлт бий”.