2014/12/31

Пап лам Францисын уриалгаас

12/30/2014
Өнөө үед хүмүүс ядуурал болон хайрын дутагдлаас болж зовж шаналж байна.

12/28/2014
Христчин гэр бүл бол томилогдсон төлөөлөл: тэд Тэнгэрбурханы хайрыг дэлхий ертөнцөд сонордуулдаг билээ.

12/26/2014
Өнөө үед Христчин итгэл бишрэлээсээ болж дарамтанд орсон хүмүүсийн төлөө залбирцгаая.

12/25/2014
Есүстэй хамт байхад жинхэнэ баяр хөөртэй байдаг.

12/24/2014

Тэнгэрбурханы гоо үзэсгэлэнд зориулан орон зай бий болгохын тулд бид сонсож, анир чимээгүй байхыг хичээх болтугай. 

БАЯРЫН МИСА


Христмас буюу бидний хэлж заншсан Зул сарын баяр бол хүн бүрийн хүсэн хүлээдэг хамгийн сайхан баяр бөгөөд ялангуяа итгэгч бидний хувьд маш гүн утга учиртай билээ. Манай “Гэгээн Мариа Сүм” дээр 12сарын 24, 25ны баярын Мисаг паришийн ахлах лам фр.Франциско Хо болон фр.Эрнесто, фр.Пиер нар хүрэлцэн ирж удирдан явуулсан бөгөөд бүх бүлгэмийн итгэгч ахан дүүс маань хамтдаа тэмдэглэв. Миса гэрлийн ёслолоор эхлэсэн бөгөөд хамгийн түрүүнд хоньчин хүүхдүүд маань бяцхан Есүсийг угтан авч буйг үзүүлсэн жүжигчилсэн тоглолтын дараа хүн нэг бүр бяцхан Есүстэй мэндлэх хамгийн баяртай цаг мөч байсан юм. фр.Франциско номлолдоо: ‘Христчин хүний хувьд зөв байдлаар амьдрахад бидний хэвшсэн амьдрал маань саад болдог. Учир нь амьдралын хүнд хэцүүг даван туулах мөчид архи, мурийтай тоглоом болон мөнгийг сонгодог уу, эсвэл Тэнгэрбурхантай хамт байж, бэрхшээлээ даван туулахыг сонгодог уу? Хэрэв үргэлж бидэнтэй хамт байдаг Тэнгэрбурханы хайр ивээлийг 2014 онд биеэр мэдэрч, итгэлийн амьдралдаа туршлагатай болсон бол, хамгийн сул дорой байдлаар бидэн дээр хүрэлцэн ирсэн бяцхан Есүс, аврагч Эзэнийг баяртайгаар угтан авах болно’ хэмээн фр.Франциско өнгөрч буй 2014 онд тохиолдсон онцгой үйл явдлуудын талаар дүгнэн, олон зүйлийг тайлбарлаж өгсөн билээ. Мөн 12.25ны Мисаны үеэр Төрболд Самуел баптизм хүлээн авсан бөгөөд ёслолыг фр.Франциско удирдсан юм. Баптизм хүлээн авсан Төрболд Самуелд бүх итгэгч нарын зүгээс баяр хүргэж, улам их амжилт хүсэж байна. Хэдийгээр цаг орой байсан ч сүмдээ ирж, хамтдаа баярын мисанд оролцсон бүх итгэгч нартаа болон миса бэлтгэхэд оролцсон бүх бүлгэмийн ахан дүүс нартаа талархаж байна. 
Та бүхэн баярын Мисаны номлолыг дараах хуудаснаас сонсоно уу.
http://gegeenmariasumnomlol.blogspot.com/2014/12/2014-12-24_26.html
http://gegeenmariasumnomlol.blogspot.com/2014/12/2014-12-25.html

2014/12/24

Долоо хоногийн үйл явдал


Манай "Гэгээн Мариа сүм"-д ирэлтийн улирлаа угтаж олон арга хэмжээ зохион байгуулагдсан билээ. Ялангуяа нийгмийн халамжийн ажил чухал байр суурь эзэлдэг бөгөөд хүмүүс нийгмийн албаар уламжлан  тусламж болгон олон зүйл авчирч өгч байлаа. Мөн ирэлтийн улиралд бэлтгэх үүднээс итгэгчиддээ тасалбар тараан, наминчлалын ёслол зохион байгуулсан юм. Итгэгчдийнхээ гэр бүлийн итгэлийн амьдралд  тус болох үүднээс "Ариун гэр бүл"ийг бүлгэм тус бүрээс сонгосон гэр бүлүүдээр аялуулсан билээ. Мөн "Хайрын сургуулийн" хүүхэд багачуудад зориулан 12.20нд Христмас баярын арга хэмжээ зохион байгуулсан бол, томчуудын багш нар Христмас баяраа 12.21нд тэмдэглэн өнгөрүүлэв. Мөн Мисаны үеэр таван багш шинээр томилолт хүлээн авч нийт арван зургаан багштай болсон билээ. Христийн мэндэлсэн өдрийг тохиолдуулан эдгээрарга хэмжээнд идэвхитэй оролцсон итгэгч та бүхэндээ талархаж байна. Удахгүй болох Хистийн мэндэлсэн баярын Мисандаа хүрэлцэн ирэхийг урьж байна. 

2014/12/23

Залуучуудад зориулсан бясалгал

Энэ сарын 14нд манай "Гэгээн Мариа сүм" дээр залуучуудын бясалгал зохион байгуулагдсан билээ. Бясалгал Мисаны дараа үргэлжилсэн бөгөөд паришийн бүх залуучууд оролцсон юм. Бясалгалыг "Азийн залуучуудын VI наадам"-д оролцсон залуучууд удирдан паришийн бусад залуучууддаа зориулан бэлтгэснээр онцлогтой байлаа. Энэхүү бясалгалын талаар Одонгоо Анна өөрийнхөө сэтгэдлийг ийнхүү хуваалцсантай танилцана уу: 'Бид бясалгалаар дамжуулан хэрхэн өөрсдийгөөө ирэлтийн улиралд бэлтгэн, унтаа байдлаасаа сэрж, сэргэлэн цовоо өөдрөг итгэлтэйгээр Есүс Христийн төрсөн өдөр болох Христмасын баярыг тэмдэглэх талаар суралцлаа. Мөн залуучууд Азийн зургаадугаар их наадмын сүлд дууг хамтдаа дуулж бүжиглэн, гайхалтай ишлэлүүд болон өөрсдийн чин сэтгэлийн үгийг бусадтайгаа  хуваалцлаа. Бүгд нэг итгэл бишрэлтэй, бүгд нэг зорилго дор нэг өдрийг хамтдаа гайхалтай өнгөрүүлсэндээ баяртай байна.' ийнхүү өөрийн сэтгэгдлээ хуваалсан Анна болон энэ өдөр хүрэлцэн ирж гайхалтай мөчийг хамт өнгөрүүлсэн бүх залуучууддаа талархаад улам их амжилтын хүсэж байна.

Та бүхэн доорх линээр орж Азийн залуучуудын наадмын сүлд дууг монгол англи хадмалтайгаар авч үзнэ үү.

Мөн та бүхэндээ Пап лам Францисийн хэлсэн ишлэлүүд болон гайхалтай сургамжит үгүүдийг хүргэж байна.



2014/12/18

Пап лам Францисын уриалгаас

12/18/2014
Тэнгэрлэг Эзэн үүнийг ойлгомжтой хэлж өгч байна: чи хоёр эзэнд үйлчилж чадахгүй. Тэнгэрбурхан болон мөнгөний хооронд чи сонголтоо хийх ёстой.

12/16/2014
Сонсох гэдэг маш чухал! Эхнэр болон нөхөр нь гэр бүлийн амьдралд аз жаргал ба ариун гэгээн байдлыг авчирхын тулд харилцан холбогддог юм.

12/13/2014
Өнөөдөр миний сахил хүртэж санваартан болсон ойн тэмдэглэлт өдөр билээ. Миний болоод бусад бүх санваартнуудын төлөө залбирна уу.

12/12/2014
Бидний Гуадалупын Хадагтай минь, бидний төлөө залбирна уу!

12/11/2014
Байгаль орчин бол хүн төрөлхтний амьд явах үндэс; энэ бол бид бүхнийг хөндсөн ёс суртахууны асуудал юм. 

2014/12/11

Нийгмийн ажил буюу сайн үйлс

Жил бүр манай 'Гэгээн Мариа Сүм'-ээс хүйтний улирал ирж байгаатай холбогдуулан, тусламж хэрэгтэй айлуудад дэмжлэг өгөх зорилгоор нүүрс бэлтгэж, гэрт нь хүргэж өгдөг билээ. Энэ жил сүмийн ахлагч фр.Франциско болон нийгмийн ажлын албанаас 4тонн нүүрс бэлтгэн, сүмийн ажилчид  шуудайлж сонгосон айлуудад тарааж өгсөн юм.
Нэг айлд 10 шуудай буюу 250кг нүүрс өгсөн нь олон хүмүүсийн талахлыг хүлээсэн үйл хэрэг болсон билээ. Итгэгч бидний хувьд буяны ажил хийх, бусдад туслах нь хамгийн чухал үйлс байдаг.  Ялангуяа угтлага улирлаар аль болох бусдыг уучилж, бусдад  туслах  буюу буян үйлдэх, гэм нүглээ ухаарах  замаар хүн бүр өөрсдийгөө цэвэр ариун байдалд бэлтгэдэг билээ. Энэхүү нүүрс тараах ажил ч бас ирэлтийн улирлаа угтаж буй сайн үйлсийн нэг юм. Эдгээр хүйтэн өдрүүдэд нүүрс хүлээн авсан айл бүр даарч хөрөлгүй, Тэнгэрбурханы хайр ивээлээр амар тайван байж, баяр хөөртэй байгаа гэдэгт найдаж байна. Ахан дүүс та бүхэн ч мөн адил Тэнгэрбурханы хайр ивээлээр, чин сэтгэлээсээ бусдад туслаж сайн үйлс бүтээхийг уриалж байна.  

Залбирал


Ахан дүүс нараа, лам болохоор Солонгос улсад сурч байгаа Энх Иосефийн төлөө хамтдаа залбирхыг урьж байна. Түүний ёслолд оролцох боломжгүй  хэдий ч бид бүгд түүнтэй залбирлаараа хамт байх боломжтой билээ. Түүний деаконы ёслол өнөөдөр буюу 12 сарын 11нд Солонгос улсад болох бөгөөд Монголын цагаар 10 цагт, Солонгосын цагаар 11 цагт болно.



2014/12/05

Энх Иосефийн "Диконы Ёслол"-д зориулсан залбиралт ес хоног

12 сарын 5нд Новена  /залбиралт ес хоногийн залбирлын / дөрөв дэх өдөр      

          
                       
                               1. Залбирал 


         2. Тэнгэр дэх Эцэг минь ээ
         3.  Амар амгалан Мариа минь ээ

         4.  Алдаршуулал

2014/12/04

Энх Иосефийн "Диконы Ёслол"-д зориулсан залбиралт ес хоног

12 сарын 4нд Новена  /залбиралт ес хоногийн залбирлын / гурав дахь өдөр                                     
                   1. Диконы/тахилчийн гарал үүсэл ба түүний үүрэг
Христийн анхны дагалдагчид хамтдаа цуглаад Элч нарын сургаалыг сонсож, залбирч, талх хуваах зэргээр Шашны сүм нэгдлийн амьдрал эхэлж, цаг хугацааны явцад хөгжиж ирсэн бөгөөд үүнийг дагаад хэрэгцээ шаардлагууд ч бас урган гарч ирсэн байдаг. Шинэ Гэрээний цаг үеийн Христийн бүлгэмийн сүсэгтнүүдийн амьдралд гарч байсан хоол хүнс тараах, санхүү барих, ядарч туйлдсан хүмүүст туслах зэрэг элч нараас гадна арын албыг хариуцах хүмүүс хэрэгтэй байсан учраас тусгайлан долоон эрийг сонгосноор энэхүү дикон хэмээх үйлчлэлийн хэлбэр бий болсон гэж үздэг. Диконы гарал үүслийг илтгэх дараах ишлэлийг бүгдээрээ хамтдаа сонсоцгооё: Үйлс 6:2-5  




                                  2.  Тэнгэр дэх Эцэг минь ээ
                                  3. Амар амгалан Мариа минь ээ
                                  4. Алдаршуулал 

2014/12/03

Энх Иосефийн "Диконы Ёслол"-д зориулсан залбиралт ес хоног

           12 сарын 3нд Новена  /залбиралт ес хоногийн залбирлын / хоёр дахь өдөр

1. Дикон гэж хэн бэ?
 Дикон хэмээх үг нь “диаконас” хэмээх грек үгнээс гаралтай бөгөөд үйлчлэгч, гүйцэтгэгч, биелүүлэгч гэсэн утгыг илэрхийлдэг. Диконы үзүүлэх үйлчлэл бол мөн л бусад ахан дүүсдээ үзүүлж байгаа энэрэл хайрын үйлчлэл юм. Бид энэ амьдралдаа Тэнгэрбурханыг хайрлах мөн бусдыг хайрлах хэрэгтэй байдаг. Үүнтэй адил утгаар дикон нь тахилын ширээнд үйлчлэхээс гадна бусдын төлөөх үйлчлэлийг хийдэг. Тухайлбал дикон нь Ариун угаал хүртээх, Гэрлэлт үндсэн ёслолыг гэрчлэх, талархал магтаалын үндсэн ёслолыг удирдаж буй санваартанд туслах, санваартан байхгүй тохиолдолд залбирал болон шашны бусад ёслолуудыг удирдах гэх мэтчилэн сүмийн ажил үүрэгт тусладаг. Мөн Шашин дахь аль ч хүрээний бүх үйлчлэлд өөрийн биеэр оролцон туслах үүргийг гүйцэтгэдэг.
Католик Шашны хувьд диконы буюу тахилчын  хоёр төрөл байдаг нь үүрдийн дикон ба түр дикон нар юм. Үүрдийн диконы үйлчлэлийг албан ёсоор “хугацаагүй тахилчийн эрх үүрэг” гэж нэрлэх ба эгэл итгэгч байхаас гадна тухайн хүн нь гэрлэлт үндсэн ёслолыг хүлээн авсан байж болно. Түр зуурын диконы хувьд санваартан болохоор суралцаж байгаа хүний сүүлийн үе шат юм. Түр зуурынх ч бай үүрдийнх ч бай дикон болно гэдэг нь: Шашны хүрээнд ямар нэгэн цол хэргэм хүртэж буй бус харин “үйлчлэлийн” томилолтыг хүлээн авч буй хэрэг юм. Учир  нь диконы энэхүү үйлчлэл бүхэлдээ Тэнгэрбурханы энэрэл хайрыг бусдад үзүүлэх ганцхан зорилгыг эрхэмлэж байдаг юм. 

                      
                          2. Тэнгэр дэх Эцэг минь ээ 

                          3.  Амар амгалан Мариа минь ээ
                        
                          4.  Алдаршуулал
                                       

Ирэлийн Улиралд зориулсан бясалгал


Сарын сүүлийн бүтэн сайн буюу 11 сарын 30нд "Гэгээн Мариа Сүм"-д итгэгч ахан дүүстээ зориулан Ирэлтийн Улирлын тухай Бясалгал зохион байгуулсан билээ. Бясалгалыг Чамиа Руфина зохион явуулсан бөгөөд яармаг, нисэх, зуун мод болон комбинат бүлгэмийн итгэгч нар оролцсон юм. Бясалгалын эхэнд удахгүй дикон ёслолд орох гэж буй Энх Иосефоос итгэгч ахан дүүстээ хандаж хэлсэн үгс болон өөрийн тухай товч танилцуулга бүхий дүрс бичлэг үзүүлсэн нь хүн бүрийн сонирхлыг татаж, баяртайгаар хүлээн авч байлаа. Мөн Энх Иосефийн 12.11нд болох дикон ёслолд  зориулан зохион байгуулж буй Новена буюу залбиралт ес хоногт идэвхитэй оролцохыг итгэгчиддээ уриалсан билээ. Үүний дараа Ирэлтийн Улирал гэж ямар утгатай болох, итгэгч бид хэрхэн Ирэлтийн Улиралд өөрсдийгөө бэлтгэх тухай сурч, итгэгчдэд өөрсдийн сүснлэг амьдралын талаар хуваалцаж, тунгаан бодох боломж өгсөн юм. Хувь хүн ирэлтийн улиралдаа хэрхэн өөрийгөө бэлтгэж байгаа талаар ярьж, цаашид юу хийх тухайгаа ярьж хэлж байсан нь бусад хүмүүст ч мөн адил олон сайн санаа төрүүлж өгсөн билээ. Бясалгалыг бэлтгэж, заасан Руфина болон идэвхитэй оролцсон бүх итгэгч нартаа талархлаа илэрхийлээд Ирэлтийн Улиралдаа сурсан зүйлээ хэрэгжүүлээд Тэнгэрбурханы хайр хишгийг хүлээн авахыг урьж байна. 

2014/12/02

Гэгээн Мариа Сүмийн

  Мэдээллийн булан


2014.11.30.нд  Яармаг бүлгэм         
2014.12.07.нд   “Нисэх бүлгэм
        /Миса 10.30-аас эхэлнэ/  
  • Мисанд шинээр ирсэн болон бүх итгэгчиддээ баярлалаа.
  • Ирэлтийн улирлын  эхний  Ням гараг эхлэлээ.
  • Мисаны дараа зөвлөлийн гишүүд болон Бүлгэмийн ахлагч нар  түр зуур Оффисийн өрөөнд цугална уу.
  • Өнөөдөр сарын сүүлийн ням гаргийн Их бясалгалтай тул хамтдаа залбирцгаая.
  • Шинэ оны календарь гарсан тул  оффисоос авна уу. Үнэ 2000 төг
  • Ирэх долоо хоногт  Яармаг бүлгэмийн хариуцсан Миса байгаа тул та бүхэнд амжилт хүсье.
      Мисаны уншлага болон айлдалууд /2014.11.30-2014.12.07/

1-р уншлага
Дуулал
Айлдал
Даваа
Исаиа  2:1-5
 Дуулал 122
Матай 8:5-11
Мягмар
Исаиа  11:1-10
Дуулал 72
Лук  10:21-24
Лхагва
Исаиа  25:1-3,4-5,6
Дуулал  23
Матай 15:29-37
Пүрэв
Исаиа 26:1-10
Дуулал  118
Матай 7:21,24-27
Баасан
Исаиа 29:17-24
Дуулал  27
Матай 9:27-31
Бямба
Исаиа 30:19-21,23-26
Дуулал 147
Матай 9:35-10:1.6-8
Ням
Исаиа 40:1-5,9:10,11-12,13-14
2-р унш 2Птер 3:8-14
Дуулал 85
Марк 1:1-8

          

Энх Иосефийн "Диконы Ёслол"-д зориулсан залбиралт ес хоног эхэллээ

Бид бүхний сайн мэдэх Энх Иосеф маань 12 сарын 11нд  Солонгос улсад тахилчийн сахил санваарын хэргэм хүртэх ёслолд орох гэж байгаа билээ. Тэрээр 2008 онд Солонгос улсад ламын сургуульд яваад зургаа дахь жилдээ сурч байгаа юм.                  Манай Католик Шашны ёслолууд дотроос санваартан болох нь их чухал ёслолд тооцогддог юм. Ялангуяа Монгол итгэгчид дундаас Тэнгэрбурханы хайр хишгийг хүлээн авч, санваартан болж байгаа нь онцгой сайн мэдээ бөгөөд энэ бүх хугацаанд ажиллаж байсан мишинерүүд болон итгэгч ахан дүүсийн залбирал, мөн Энх Иосефийн итгэл бишрэл ба гэр бүлийнхний ач тус билээ. Түүний дикон ёслолд зориулан итгэгч ахан дүүс маань Новена буюу залбиралт ес хоногийн залбиралыг зохион байгуулж байна. Залбирал 12.02 - 12.11нийг хүртэл үргэлжлэх бөгөөд та бүхэн идэвхитэй оролцоно уу.  
12 сарын 2нд  /залбиралт ес хоногийн залбирлын эхний өдөр/ 

                               1. Энх Иосефийн намтар, Монголын париш дахь үйлчлэлийн                                          талаар дараах линкээс дүрс бичлэгтэй танилцана уу.





                             2. Тэнгэр дэх Эцэг минь ээ

                           3.  Амар амгалан Мариа минь ээ
                           
                           4.  Алдаршуулал

Пап лам Францисын уриалгаас







11/27/2014         
Хайр бол итгэлийн хэмжүүр билээ.

11/22/2014
Бид үнэхээр хэрэгтэй хүнтэйгээ уулзахдаа, Тэнгэрбурханы царайг хардаг уу?

11/20/2014                                        
Үргэлж үнэ цэнэтэй байдаг, манай Христчин ажил мэргэжлийн арга замаар амьдрахаар эрэлхийлцгээе.

11/18/2014
Дэлхий даяар маш их шуугиантай байна! Бид өөрсдийн зүрх сэтгэлдээ болоод Тэнгэрбурханы өмнө анир чимээгүй байхыг суралцах болтугай.

11/15/2014

Христчин хүмүүс бусдад энх тайвныг авч ирдэг. Зөвхөн энх тайван бус, хайр, нинжин сэтгэл, итгэл бишрэл ба баяр хөөрийг ч бас авч ирдэг билээ.