2016/01/27

Сүмийн хаалгаар орсон цагаас эхлэн миний амьдрал сүмтэй холбогдсон юм.

Т
 а хэдэн онд Ариун угаал хүртсэн бэ? Бидэнд анх сүмийг яаж мэдэх болов? Бүр итгэгч болоод сүмийн итгэлийн амьдралд туслах хүртэл таныг юу хөтлөв?

           Манайх 4-н ам бүлтэй. Дөрвөн хүүхэдтэйгээс 2 хүүхэд маань тусдаа гарсан. Одоогоор эхнэр хоёр хүүхдийн хамт амьдардаг.
           Би 2014онд баптизм хүртсэн. Одоо “Тереза Эх” ахмадын халамжийн төвд  3 дахь жилдээ ажиллаж байна. Миний үндсэн ажил бол галч, харуулын ажил, үүнээс гадна өндөр настай ахмадуудыг усанд оруулах, хувцсыг нь солих, зуны цагт агаар салхинд гаргах гээд тусламжийн ажлуудыг мөн хийдэг.

 “Гэгээн Эх Мариа” энэхүү сүмийг мэдэхээс өмнө би ажил төрөлгүй нэгэн явлаа. 2006 оны нэгэн өдөр сүмийн хажуугаар өнгөрч яваад орж үзмээр санагдаж билээ. Сүмийн хаалгаар орсон цагаас эхлэн миний амьдрал сүмтэй холбогдсон юм.
           Анх намайг сүмд ороход угтаж авч байсан хүмүүс гэвэл Августин багш мөн талийгаач Оюунжаргал багш нар байсан. Би Августин багшийн ангид 1 жил суралцаад дараа нь ахмадуудын ангид улиран суусан. Ингээд олон жил улирч суусны эцэст Ариун Угаалын ангид 2 жил суралцан сүмийн гишүүн болсон. Энэхүү хугацаанд Бенчиншү бүлгэмд 2 жил сайн дураараа тусалж ирсэн. Бенчиншү бүлгэм нь 2 дахь өдөр бүр хуралдаж,  хагассайн өдөр бүр Бенчиншү дээр очиж хоол хийлцэж, номын сангийн ажилд тусалдаг байсан. Ингэж л Тэнгэрбурханы хайрыг өдөр бүр мэдрэх болсондоо.
Та олон жил Католик Шашны сургалтанд суусан юм байна. Энэ урт хугацаандаа таны сэтгэлд хүрсэн ямар нэг дурсамжтай зүйл байгаа юу?
Байлгүй яахав. Миний сэтгэлд хүрч байсан зүйл бол сарнайн эрхэн залбирал байсан. Би талийгаач Оюунжаргал багшийн ангид сурч байх үед сарнайн залбирал их хийдэг байсан. Тэр залбирал миний амьдралд их нөлөөлсөн. Ер нь фадерын зааж өгсөн суман залбирал ч гэсэн хурдан хугацаанд тухайн газарт хүрдгээрээ бас чухал. Ингэж залбирах бүр сэтгэл сайхан болж тайвширлыг мэдэрдэг.
Ариун Угаал хүртэх үед таны анхны сэтгэгдэл ямар байсан бэ?
Анх Ариун Угаал хүртэх үед сэтгэл догдолж сайхан байсан. Бататгах Ариун ёслолын үед бүр итгэлээ бататгаж байгаадаа сэтгэл бүүр өөр сайхан мэдрэмжийг авч байсан.

Одоогоор танд “Гэгээн Эх Мариа” сүмд сайн дураараа тусалж байгаа ажил бий юу?
Би “Гэгээн Эх Мариа” сүмийн буяны албаны зөвлөлийн гишүүн болоод удаагүй байгаа. Мөн бүтэн сайн өдөр томчуудын угтах бүлэгт сайн дураараа тусалж байна. Энэхүү бүлэг нь шинээр ирсэн хүмүүсийг угтан авч сүмээ танилцуулан Католик Шашныг таниж мэдэх анхан шатны мэдлэгийг олгодог юм.
Та сүмийн итгэгч ахан дүүстээ хандан юу хэлмээр байна?
Өөртөө итгэлтэй байвал санаж явсан ажил үйлс чинь бүтэх болно. Мөн залбирал бол маш чухал, өөрийн гэр бүл, ажил үйлсийнхээ төлөө сайн залбирч байгаарай! гэж хэлэхийг хүсэж байна.
Танд байнга дотроо бодож явдаг юм уу хэлэх дуртай үг бий юу?
Тэнгэрбурхандаа талархъя! гэдэг үгийг байнга хэлдэгдээ.
Өнөөдөр ажил төрөлтэй, өөрийн амьдралдаа итгэлтэй явж байгаа нь Тэнгэрбурханы л ач тус шүү дээ!
гээд бахархалтай хэлж яриагаа өндөрлөв.
Үнэхээр Бямбаа ахын маань хэлдгээр итгэлтэй байвал юунд ч хүрч болдгийг Есүс бидэнд сургадаг билээ.

Итгэл бишрэлийн Тулга сэтгүүл, Дугаар 3

2016/01/26

Миний амьдарлын хүүхэд нас, залуу үе, гэр бүл зохиосон ариун газар бол СҮМ билээ!

Сайн байна уу? Гэгээн Эх  Мариа сүмээс бэлтгэн хүргэдэг сэтүүлийн энэ удаагийн  дугаартаа  Залуучуудын төлөөлөл болгон таныг  урьж оролцуулахыг хүссэн юм . 
Та болон таны найз нөхөд үе тэнгийнхэн бүх  залуучуудад  үнэтэй зөвлөгөө өгч, тэдэнд үлгэр дуурайлал болно гэдэгт итгэлтэй байна.
Өөрийгөө товч танилцуулна уу?
Миний нэрийг Золзаяа гэдэг. Христчин нэр Faustina. Ам бүл  гурвуулаа. Нөхөр Саруултөгс /Стэфано/ охин Аминэрдэнэ/Бнегтита/-ийн хамт амьдардаг .
Манай охины баптизмын нэр Пап лам байсан 
Бнэгтигтагийн эмэгтэй нэр нь байгаа юм. Тэр нэрийг заримдаа хүмүүс андуурч бичээд байдаг юм.
Би 2002 оны 9 сарын эхээр анх сүмд явж эхэлсэн. Тэр үед би 13, 14 настай байсан. Түүнээс хойш тасралтгүй явж байна. Улмаар 2004  оны  5 сарын 30-нд  баптизм хүртэж байлаа.
Гэгээн Эх Мариа сүм буюу бидний  хэлдгээр Хан Уул сүмийн тухай таны бодол?
Мэдээж Гэгээн Эх Мариа сүмийн ирээдүйн талаар сайн сайхныг төсөөлдөг. Одоогоор сүм дээр өөрийн биеэр хамт байж амжихгүй ч гэсэн үргэлж сүмийн талаар мэдээ мэдээлэл интернэтээс авч байгаа болохоор хийж бүтээсэн бүх зүйлийг хараад бүгд сайхан байдаг, бас маш их бахархдаг.
Хамгийн сүүлд хэзээ Мисанд суусан бэ? 
Гэгээн эх Мариа сүмд 2013оны 9сарын 5нд Эзэний өдрийн мисанд суусан.  Харин энд бол 2015оны 11сарын 29нд монгол итгэгчдийн сард нэг удаа болдог мисанд суусан. Боломжтой бол байнга явах байсан байх.
Та сүмээ санаж байна уу?
Мэдээжийн хэрэг маш их санаж байна. Миний амьдралын хүүхэд нас, залуу үе, гэр бүл зохиосон ариун газар бол СҮМ шүү дээ. Миний хамгийн сайхан дурсамжтай нандин гэх үе сүм дээр л өнгөрсөн гэж хэлж болно.
Таны сэтгэл сүм, сүмийн бүхий л зүйлс рүү тэмүүлдгийн учир юу вэ?
Яагаад ч юм сүм дээр очвол найз нөхөд хүлээж байгаа юм шиг санагддаг байсан. Мисанд суух үед ч найз нар их нөлөөлдөг байсан л даа. Миний хувьд нэг зүйл байнга санаанд ордог. Энэ юу вэ? гэвэл сүмийн хаалгаар ороод шууд мисаны өрөөнд ТЭНГЭРБУРХАНТАЙ мэндчилдэг байсан. Тэр зүйл илүү сайн толгойд орж ирдэг дээ.
Ингээд бодоход хэдий найз нөхөдтэйгээ уулзахаар хэчнээн сүмийг зорьсон ч миний хувьд сүм дээр ирэх тэмүүлэл маань гол нь амар тайванг мэдрүүлэгч мисаны өрөө буюу  ТЭНГЭРБУРХАН-ы өргөө гэж хэлж болно.
 Танд сүмийн юу нь хамгийн их таалагддаг вэ?
Бүлгэмүүд их таалагддаг. Үнэхээр сайхан санаа бөгөөд бүлгэм бүр өөр өөрсдийн зан чанар, үйл ажиллагаатай, зорилго нь маш тодорхой .
Итгэгч бүр өөрсдийн таарах, таалагдах бүлгэмдээ элсдэг. Энэ маань нөгөө талаар сүмийн итгэгчдийг хариуцлагатай болгоод зогсохгүй хонио алдахгүй байх сайн Хоньчингийн санаа байх.
Залууст хандаж таны хэлэх үг юу вэ?
Залуучуудаар бахархаж байна. Та нар мундаг шүү.
Таны насны таны үеийн залуус одоо юу хүсч мөрөөдөж юуг сүмээс илүү их хүлээж байгаа бол гэж та бодож байна?
Энэ асуулт надад их ахадсан асуулт юм шиг байна. Зүгээр бодлоо хэлэхэд бүгд биш юмаа гэхэд итгэгчид итгэлийн амьдралаа байнга санаж, сэргэг байгаасай, битгий мартаасай л гэж бодож байна даа.  
Та өөрийн сүмээ ямар байгаасай гэж хүсч мөрөөдөж явдаг вэ?
Олон итгэгчтэй сүмд ороод ирэхэд сэтгэлээсээ харьцдаг угтагчтай, хов жив бага ярьдаг, ер нь гэгээлэг сайхан бүхнийг л хүсэж байна.
Танд баярлалаа. Таныг бид бүхэн, сүмийн итгэгчид бүгд  мартаагүй хүлээж байх болно. Өөрийн итгэл бишрэлээ  үргэлж дээдлэн байгаад талархъя.




 Итгэл бишрэлийн Тулга сэтгүүл, Дугаар 3

2016/01/22

ПЕТРИЙН ГЭР БҮЛ БИДЭНД ЗАХИДАЛ ИЛГЭЭВ.

Шашин дэлгэрүүлэхээр Монгол улсад сайн дурын үйл ажиллагаа явуулж байгаа Польш гэр бүл бидэнд өөрсдийн хүсэл мөрөөдөл болон сайн үйлсийнхээ тухай санаа бодлоо хуваалцлаа..



Сайн байцгаана уу ахан дүүсээ!
           Юуны өмнө та бүхэндээ Христийн мэндэлсэн баярын мэндийг хүргэе!
Намайг Петр гэдэг. Би эхнэр Аннагийн хамт Монгол дахь Католик сүмд туслахаар Польш улсаас ноднин жил ирсэн.
           Анна бид хоёр бүр өлгийтэй байхдаа баптизм хүртсэн. Арван жилийн сурагч байхдаа АЛЬФА (Анхан шатны Христийн сургалт) курст сууж Есүс Христийн Сайн Мэдээг сонссон бөгөөд энэ үеэс Тэнгэрбурханд өөрсдийн бүх амьдралаа зориулж Түүний төлөө үйлчлэх хүсэлтэй болсон. Яг энэ мөчид би өөрийгөө Есүс Христийн жинхэнэ сүсэгтэн болсон гэж боддог.

Аннагийн хувьд бол тэрээр оюутан байхдаа надтай адилхан шийдвэрт хүрсэн бөгөөд бид нэг зорилготой болж Есүс бидний Их Эзэн болсон юм. Тэр үед бид бие биеэ таньдаггүй байсан ч өдөр бүр залбирч мөн Библи уншиж эхэлсэн байлаа.
           Би “мишионер” \Христийн Сайн Мэдээг түгээдэг хүн гэсэн үг\ болж өөр нутаг уруу явж Есүс Христийн тухай болон Түүний Сайн Мэдээг хүмүүст ярихыг хүсдэг байлаа. Тэгээд 2008 болон 2010 онуудад Польш мишионер болох Рафын гэр бүлтэй холбоо тогтоож хоёр удаа Монголд туслахаар ирсэн. Рафын гэр бүл болон бид бүгд Польш сүмийн “Промисяа” хэмээх нэг бүлгэмээс гаралтай.
Анна ч мөн адил мишионер болох хүсэлтэй байсан ба 2011 онд Монголд анх удаа ирсэн. Анна сайн нөхөртэй болохыг хүсдэг байсан ба 7 жил өөрийн нөхөр болох түүний төлөө Тэнгэрбурханд хичээнгүйлэн залбирсаар ирсэн. Тэр өөрөө Христийн сүсэгтэн байж, зөвхөн христчин залуутай гэрлэхийг хүсэж байв. Учир нь Анна ирээдүйдээ нөхөртэйгээ хамт Монголд амьдарч мишионерын ажил хийх хүсэлтэй байсных юм.
Би ч бас түүнтэй ижил бодолтой байсан ба надтай адил хүсэл мөрөөдөлтэй, зөв зүйтэй бүсгүйг 5 жил залбирч хүлээсэн. Миний ирээдүйн хүсэл бол Аннагийнхтай адил эхнэртэйгээ хамт Монголд мишионер ажлыг хийх тэмүүлэл байсан юм.



Бид хоёр Польшид байхдаа танилцаад 2012 онд сүйг тавьж, дараагийн онд нь гэрлэсэн. Гэхдээ Хуримын өдөр хүртэл бид тус тусдаа амьдарч, бие биеэ хүлээж байсан.
Анна онгон эмэгтэй байсан бөгөөд надад бас Аннагаас өмнө ямар ч бүсгүй байгаагүй. Энэ харилцаа нь бидний амьдралын маш үнэ цэнэтэй зүйл юм. Польшид байхдаа Монголын төлөө байнга залбирч, хэзээ, хаана, юу хийхээ Тэнгэрбурханаас асууж байсан.

2014 онд Тэнгэрбурхан бидэнд Монгол уруу явах боломж олгосон. Тэр үед Анна жирэмсэн болсон байсан. Ингээд Есүс Христ биднийг мишионер ажил хийлгэхээр илгээх гэж байгааг бид мэдсэн бөгөөд ажлаасаа гарч 2014 оны 9-н сард манай гэр бүл Монгол уруу нүүсэн. Энд ирээд бид амьдрангаа өөрсдийн хүсэл мөрөөдөл болсон Есүс Христэд итгэх итгэл бишрэлээ хүмүүстэй хуваалцаж мөн сайн дурын тусламжийн ажлуудыг хийж байна. Энэхүү ажлыг хийхэд хамгийн түрүүнд Монгол хэл маш сайн мэдэх хэрэгтэй учир бид Монгол хэлний сургалтанд хамрагдаж хичээнгүйлэн сурч байна.  
Өнгөрсөн хавар бидний аз жаргалын нэг хэсэг болох анхны хүү Симон маань хорвоод мэндэлсэн.
Одоо бидний амьдралд Есүс хамгийн чухал эрхэм хүн болсон. Тэр бидний Аврагч бөгөөд бидэнд шинэ итгэл найдварыг бэлэглэсэн. Тиймээс бид Түүний гайхамшигт хайрыг мэдэж ойлгоод, бусад хүмүүст үүнийг дамжуулахыг хүсэж байна!

          Монголчуудтай хамт байхдаа, үнэхээр баяртай байна! Тэнгэрбурхан Тандаа талархъя! 
 Баярлалаа.

 Итгэл бишрэлийн Тулга сэтгүүл, Дугаар 3

2016/01/21

Надад хүч өгөгч Түүгээр би бүгдийг хийж чадна.

С

айн байна уу? Бидний урилгыг хүлээн авч ярилцага өгч байгаа танд баярлалаа.


Таны итгэлийн амьдралд хөл тавьсан хүүхэд насны их сонирхолтой дурсамжийг нэг удаа сонсож байсан. Хадгалж үлдсэн дурсамж байвал бидэнтэй хуваалцаач.
Сайн байна уу? Та бүхэнд энэ өдрийн мэнд хүргэе. Намайг Цэрэнхандын Санжаажав гэдэг. Би Католик шашны сүмд явах болсон маань МС-систэрийнд очсоноор эхэлж анх Католик шашны талаар мэдэж эхэлсэн. Тэр үед манай Монголд Католик сүм байхгүй байсан учир 7хоногт 1 удаа одоогийн Хамба ламын амьдарч байгаа Ватиканы Төлөөлөгчийн газарт хүүхдийн мөргөлд суудаг байсан. Тэрхүү цагаас эхлэн Тэнгэрбурханыг мэдэж эхэлснээр жинхэнэ аз жаргал юу болохыг амсаж мэдэрсэн.

Та Католик Шашны санваартны сургуульд сурах болсон мөн яагаад энэ замыг сонгох болсон бэ?
 Өмнө нь ярьж байсандаа хүүхэд байхдаа Тэнгэрбурханыг мэдэж эхлэснээр жинхэнэ аз жаргалыг амссан гэж. Тэр үеэс эхлэн Тэнгэрбурханы хайрын зэвсэг болох мөрөөдөлдөө хөтлөгдөж лам хүн болохоор шийдсэн.

Миний хувьд энэхүү олж мэдсэн аз жаргалыг өөртөө хадгалах биш элэг нэгт ахан дүүс нартаа  Тэнгэрбурханы хайр болон энэрлийг дамжуулан өгөхийг хүссэнээр одоо ламын сургуульд хичээнгүйлэн суралцаж байна. Миний төлөө үргэлж залбирч өгч байгаа итгэгч зон олон та бүхэнд баярлан талархаж байгаагаа илэрхийлж байна.
Манай Гэгээн  Эх Мариа  сүмээс гадаад улсад сурч, амьдарч байгаа итгэгч залуучууд байдгаас Солонгос улсад нилээн хэд бий. Таны хувьд сургуулиа төгсөж ирээд Монголдоо ажиллана гэдгийг сонссон. Энэ талаар таны бодол юу вэ? 
Манай Монгол Католик Шашны бүх итгэгчид маань Тэнгэрбурханы сонгосон онцгой хүмүүс билээ. Яагаад гэвэл итгэгч хүн нэг бүрийг дэлхийн гэрэл газрын давс болгохоор Тэнгэрбурхан биднийг сонгосон гэдэгт итгэн өөрсдийн амьдралдаа Тэнгэрбурханыг хүлээн аваад ахан дүүс нартаа Тэнгэрбурханы хайр болон энэрлийг дамжуулан амьдрахыг  хүсэж байна. 

 Танд дотроо бодож явдаг хэлэх дуртай үг бий юу? 
                  «Надад хүч өгөгч Түүгээр би бүгдийг хийж чадна.»       Филиппой 4:13                                                                                                                                                             
           Дээрх үг нь миний хамгийн дуртай ишлэл юм. Яагаад гэвэл хүн төгс төгөлдөр оршихуй биш. Хэрэв Тэнгэрбурханы хайр хишиг болон хүч надад туслаагүй бол би одоо ламын сургуулийн оюутан болж чадахгүй байсан. Тэрхүү Тэнгэрбурхан хүч болон та бүхний залбирлаар би өөрийн мөрөөдөлдөө хөтлөгдөн лам болохоор сурч байна. Цаашдаа миний зорьж буй бүхий л зүйл  Тэнгэрбурханы хүчээр Түүний хүслийн дотор  биелнэ гэдэгт найддаг.
  
Чин сэтгэлийн үгээ хуваалцсан 
эгэл даруу хэдий ч эр зориг, хүсэл эрмэлзлээр дүүрэн 
Санжаадаа баярлалаа!



Итгэл бишрэлийн Тулга сэтгүүл, Дугаар 3 



2016/01/06

Онцгой миса өргөлөө.


 Эзэний ариун дуудлага ба томилолтоор манай оронд сайн мэдээг дэлгэрүүлэхээр ажиллаж буй санваартан Бён Дамианугийн аав болох талийгч Бён ЖэГүг Паулын төлөөх онцгой миса 1 сарын 6-нд манай сүм дээр болж өнгөрлөө.

Талийгчийн төлөөх энэхүү онцгой мөргөлд монголд сайн мэдээг дэлгэрүүлж буй бүх санваартан лам нар болон сахилт гэлэнмаа нар Монгол дахь католик Шашны тэргүүн хамба лам Падиллагийн хамт цуглан залбирлаа.
Хамба лам маань Папын Ариун судрын талаарх сургаалаас иш татангаа талийгчийн Ариун судрыг хичээнгүйлэн бичиж уншсан тухай дурдсан билээ.

Христийн сүсэгтний оршуулах ёслол хийгээд сүнсний төлөөх залбирал болон амилалтын найдвар нь бидний итгэлийн гол цөм билээ.

Христийн сүсэгтний үхлийн утга учир нь бидний цорын ганц найдвар болох Христийн үхэл ба амилалтын гэгээн гэрэлд тодорхой болдог. Есүс Христ доторнас барсан Христийн сүсэгтэн нь "биеэсээ холдон, Эзэнтэй хамт гэртээ байхаар" /2Коринт 5,8 / явдаг.  КШСБ354







2016/01/03

2016 онд Тереза Эх Гэгээнтэн-ээр батлагдана



Ватикан CNS Ерөөлт эмэгтэй Голготагийн Тереза /Тереза Эх/  гэгээнтнээр батлагдана. Тереза Эхийн гэгээрснийг бататгахын төлөөх эцсийн босго болох гайхамшгийн шалгалтанд тэнцсэн бөгөөд Гэгээнтнээр батлах ёслол нь дараа жилийн 9 сарын 4нд байх магадлалтай.

Пап Франциско 12 сарын 17нд Ерөөлт охин Терезагийн ивээлээр гайхамшиг болсон гэх агуулга бүхий тогтоолд гарын үсэг зурлаа. Тереза Эхийн гэгээрснийг батлах хүсэлт гаргагч Bryan санваартан нь энэ удаа хүлээн зөвшөөрөгдсөн 2дахь гайхамшгаар нэгэн эрэгтэй эдгэрсэн хэмээжээ.

Brazil Santos гаралтай 42 настай энэ технологч нь вирусын гаралтай тархиний эмгэгээс болж хам шинжтэй тархины хавдар туссан байв. Тал бүрийн эмчилгээнд сайжралгүй эцэстээ сэхээнд оржээ. Саяхан гэрлэсэн энэ залуугийн эхнэр нь олон сарын хугацаанд Тереза Эхийн ивээлийг гуйн залбирч байсан ба энэ эрэгтэйн мэс заслын өдөр болох 2008 оны 12 сарын 9-нд хамаатан садан найз нөхдийн хамт залбирчээ.

Энэ өдөр мэс заслын өрөөнд орсон эмч тухайн цагт өвчтөн сэрүүн байсан бөгөөд ямар нэг өвчин зовиургүй байдлаар өөрийгөө яагаад мэс заслын өрөөнд байгааг асуусныг батлан ярьжээ. Эмчилгээний багийнхан өвчтөн ор мөргүй эдгэрснийг тогтоосон ба Ромын захиргааны гэгээн шинжийг хариуцсан эмч нар өнгөрсөн 9 сард энэ эрэгтэйн эдгэрэл нь анагаах ухааны хувьд ч шинжлэх ухааны хувьд ч тайлбарлах боломжгүй гэсэнд бүгд адил саналтайгаар нэгдлээ.

Нөгөөтэйгүүр Энэрэл нигүүслийн онцгой жилийн хуваарийг удирдаж буй Сайн мэдээ тунхаглалтыг дахин сэргээх зөвлөлийн тэргүүлэгч нь Тереза гэлэнмаагийн Гэгээрснийг бататгах ёслол 9 сарын 4-нд болно хэмээн дамжууллаа. Энэ өдөр нь энэрэл нигүүслийг хэрэгжүүлэгч сайн дурын ажилтнуудын төлөөх онцгой өдөр бөгөөд Ерөөлт эмэгтэйн нас барсны 19дэх жилийнх нь өмнөх өдөр юм.


Тереза Эхийн Гэгээрснийг батлах өдрийг 2 сард болох хамба лам нарын нэгдсэн хуралдаанаар албан ёсоор зарлагдана. 

Эх хувилбар: Католик сонин 2015.12.27

2016/01/01

Он гарах мөчид


Он гарах мөчид Залбирлын гэр болсон сүмд маань санваартан нар итгэгчдийн хамт  Эзэний Ариун биенд хүндэтгэл үзүүлэн Хүндэтгэлийн ёслол үйлдэж өнгөрөөлөө. 

Шинэ бүхний эхлэлийг бэлгэдэн гэр бүл хүндтэй хайртай хүмүүсийн хамт өнгөрөөдөг энэ баяраар Христийг Аврагчаар хүлээн зөвшөөрсөн бид өөрсдийн Аврагчийн хамт илүү утга учир бүхий цагийг өнгөрөөхөөр цугладаг билээ.
23:00-24:00 хүртэл үргэлжилсэн энэ хүндэтгэлийн ёслол нь бидэнд өнгөрснийг ахин нэг харах, ирээдүйгээ Тэнгэрбурхандаа даатгах цаг байлаа.