Зуны Сургалт

Католик Шашны Сургалтын багш нарт зориулсан “Хамтдаа алхая” нэртэй зуны сургалтанд манай “Гэгээн Мариа Сүм”-ийн “Хайрын сургууль” болон томчуудын багш нар амжилттай оролцоод ирсэн билээ. Энэхүү арга хэмжээ 7.25-7.27 хүртэл Хандгайтад болсон бөгөөд бүх паришийн багш нар Тэнгэрбурханы хайран дотор цуглан, хичээнгүйлэн олон зүйлийг сурч мэдэж авч байлаа. Багш нар маань сургалтанд оролцсоноор насанд хүрэгчдийн Xристчин амьдралд орох сургалтын /НХАЁ/ талаар суралцан, өөрсдийн санал бодлоо хуваалцахаас гадна сургалтыг үр дүнтэй, сонирхолтой явуулах арга ба хөгжөөх арга замыг нүдээр харж, сурч авсандаа сэтгэл хангалуун буйгаа илэрхийлж байв.  Мөн багш нар маань бие биенээсээ суралцаж туршлага хуримтлуулахын хамт бие биедээ урам зориг өгч байлаа. Хайрын сургуулийн багш нарт зориулсан сургалтыг тусад нь зохион байгуулсан нь илүү үр дүнтэй, тэдний сэтгэлд нийцэж байсан юм. Энэ бүх ажилд идэвхитэй оролцсон багш нартаа талархаад цаашдын ажилд нь амжилт хүсэж байна. Мөн зуны сургалтыг зохион байгуулсан хүмүүс болон тав духтай сайхан орчин ба амттай сайхан хоол ундаар үйлчилсэн  бүх хүмүүст талархаж байна.                      

Пап ламын уриалгаас

07/24/2014

Аливаа хүн мөнгө, бахархал болон эрх мэдэлд дасал болсон үедээ жинхэнэ аз жаргалтай байх боломжгүй байдаг юм.  

07/22/2014

Өнөөгийн ертөнцийн агуу том заналхийлэл бол шунал буюу хомхой сэтгэлийн улмаас хавчигдсан зүрх сэтгэлийн ганцаардал билээ.

07/19/2014

Тэнгэрлэг Эзэн бол баяр хөөр бэлэглэгчийг хайрладаг юм. Бид материаллаг эд хөрөнгийг хайрлаж буй хайраас чөлөөлөгдөн, өгөөмөр зангаар өгч сурах болтугай.   

07/17/2014

Сүмийн өөрийнх нь мөн чанар бол сайн мэдээ түгээгч билээ. Сүм оршин тогтносноор эрэгтэй эмэгтэй хүн бүр Есүстэй нүүр тулан учирдаг юм. 

Бэсрэг наадам

Манай Тулгар төр байгуулагдсны 2222 жил, Их Монгол Улс байгуулагдсны 807 жил, Ардын хувьсгалын 92 жилийн ойн Их баяр наадмыг угтан "Гэгээн Мариа Сүм" дээр гурав дахь жилдээ "Бэсрэг наадам" зохион байгуулж байгаа билээ. Энэ жилийн хувьд Хээрийн Мисаг давхацуулан бэсрэг наадмаа хотоос зайдуу сайхан газар хийснээр онцлогтой байлаа. Эхлээд "Хээрийн Миса"хамтдаа  өргөн, дараа нь наадмын үйл ажиллагаа эхэлсэн бөгөөд нисэх бүлгэм, яармаг бүлгэм, зуун мод бүлгэм болон комбинат бүлгэм гээд нийт 150 орчим итгэгч нар хүрэлцэн ирсэн байв. Наадамд бөхийн барилдаан, шагай харваа, дэмбээ болон морь уралдаан (шоо шидэж уралдах) гэсэн төрлөөр итгэгч нар уралдан хурд хүчээ сорьж аваргаа тодруулжээ. Үүнд бөхийн барилдаанд Зуун мод бүлгэмийн Энхтөр түрүүлж, моринд Төгсөө Анастасиа  /нисэх / түрүүлж, Цэенноров Моника /комбинат/ удаалсан бол шагай харваанд Болдэрдэнэ /Зуун мод/ түрүүлэн Халиунаа Мариа /Яармаг/ удаалж, дэмбээгээр Отгонбаяр /Зуун мод/ түрүүлэн Бямбадаш Петр удаалан тус тус шагнал хүртсэн юм. Үүнээс гадна хүүхэд багачууддаа зориулсан наадам болон тоглоом зохион байгуулсан бөгөөд залуучууд өөрсдийн бэлтгэсэн ардын бүжиг үзүүлж наадамчин олноо баярлуулсан билээ. Мөн сүмээс наадамчин олондоо зориулан хуушуур болон сүүтэй цай, бас айраг, ааруул зэргийг бэлтгэсэн бөгөөд наадмын үйл ажиллагааг зохион байгуулах бүлэг удирдан явуулж байв. Энэ бүх үйл ажиллагаанд оролцсон бүх итгэгч нартаа талархаж буйгаа илэрхийлж байна. 

"Гэгээн Мариа Сүм"-ийн мэдээллийн булан

Миса бэлтгэх хуваарь

2014.07.13нд /10:30/   “Нисэх бүлгэм”                                           2014.07.20нд  /10:30/  “Коминат бүлгэм”

Эзэний өдрийн Мисандаа хүрэлцэн ирсэн бүх итгэгчиддээ баярлалаа.

• 7.16ны  лхагва гаригт 18.00 цагт сүм дээр Мисатай.
• 7.20нд багш нарын хуралтай тул Мисаны дараа оффист цуглана уу.
• Сүмийн чимэглэлийн үйлчилгээнд суралцаж,сайн дураар үйлчлэх сонирхолтой ахан дүүс 7.22ны 11 цагт сүм дээр урьж байна. Оролцох хүмүүс нэрээ бүргүүлнэ үү.
• 7-р сарын 25-27 хүртэл Хандгайтад бүх Шашны Сургалтын багш нарын семинар байгаа тул багш нар  7.18ны дотор бүргүүлнэ үү. 
• Солонгос руу явсан Хайрын сургуулийн хүүхдүүдийн төлөө залбирцгаая.
•  Баптизм хүртсэн бүх ахан дүүсийг долоо хоног бүрийн Мисаны дараа болдог "Библи хуваалцах бүлэг"-т урьж байна.  
• Анх удаа сүм дээр ирж буй ахан дүүсээ тавтай морилно уу хэмээн урьж байна.
• Ирэх долоо хоногийн Миса бэлтгэх хариуцлагатай, Комбинат бүлгэмийн ахан дүүс та бүхэндээ амжилт хүсэж байна.

Мисаны уншлага болон айлдалууд /2014.07.13-2014.07.20  

	1-р уншлага	Дуулал	Айлдал
Даваа	Исаиа  1:10-17	Дуулал 50	Матай 8:18-22
Мягмар	Исаис  7:1-9	Дуулал  5	Матай 8:23-27
Лхагва	Исаиа 10:5-7,13-16	Дуулал  50	Матай  8:28-34
Пүрэв	Исаис 26:7-9,12,16-19	Дуулал  80	Иохан  20:24-29
Баасан	Исаиа 38:1-6,21-22,7-8	Дуулал  119	Матай 9:9-13
Бямба	Мика 2:1-5	Дуулал  85	Матай  9:14-17
Ням	Мэргэн ухаан 12:13,16-19 2-р унш Ром 8:26-27	Дуулал 145	Матай  11:25-30

Та бүхэн "Гэгээн Мариа Сүм"-н цахим хуудстай танилцаж, мэдээлэл болон номлол сонсоно уу.
http://gegeenmariasum.wix.com/gegeenmariasum
http://gegeenmariasum.blogspot.com/

Пап ламын уриалгаас

07/15/2014

Эрхэм хүндэт залуусаа, битгий тааруухан дундаж байгаарай; Христчин амьдрал бол биднийг агуу хүсэл тэмүүллээр дууддаг юм.

07/12/2014

Дэлхийн Цомын Тэмцээн нь олон орны, янз бүрийн шашинтай хүмүүсийг хамтдаа хүрэлцэн ирэхийг зөвшөөрдөг билээ. Спорт тэмцээнүүд соёлын уулзалтыг үргэлж урамшуулж байх болтугай.  

07/10/2014

Өөрийгөө Тэнгэрбурханы гар дээр тавихаас бүү айгаарай; Тэр чамаас юу ч гуйсан бай, Тэрээр зуу дахин эргүүлэн төлөх болно.  

07/08/2014

Тэнгэрбурхантай хамт байхад юу ч алдагдахгүй, харин түүнгүйгээр бүх зүйлс алдагддаг.

07/03/2014

Эрхэм хүндэт залуусаа, илүү зөв шударга дэлхий ертөнцийн мөрөөдлөөсөө бүү шантраарай. 

07/01/2014

Тэнгэрбурханы жинхэнэ хүүхдүүд байхын утга учир нь өөрсдийн хөршөө хайрлаж, хүнд хэцүү байдалд ганцаардаж буй хүмүүстэй ойр байх гэсэн утгатай юм.  

Пап ламын залууст хандсан “зуурдын соёл”-ын сэрэмжлүүлэг

Пап лам Францис “түр зуурын соёл” болон орчин үеийн нийгэмд давамгайлж буй хандлагуудын эсрэг сэрэмжлүүлэг болгон, Кастэлпетросогийн Ариун Дуганд цугласан мянга мянган залууст хандаж үг хэлжээ.     “Сэтгэл хөдлөлийн элсэн цөлөөс” хамаагүй илүү “хайр ба хариуцлагын хад чулуун” дээр л ганц босдог, тогтвортой амьдралыг төлөвшүүлэхэд тиймэрхүү соёл өөрийгөө үзүүлдэггүй. Гэхдээ, хүмүүний зүрх сэтгэл нь агуу зүйлс, гол давуу талууд,  гүн гүнзгий нөхөрлөл болоод амьдралын бэрхшээл дунд нурснаар илүү хүчирхэгжсэн харилцаа өөд тэмүүлж байдаг билээ. “Хүний оршихуй нь хайрлах болон хайрлуулахаар тэмүүлдэг юм” хэмээн тэрээр хэлсэн юм.                                   “Түр зуурын соёл” нь бидний эрх чөлөөг өсгөн нэмэгдүүлж байх хоорондоо, биднийг хувь заяанаас минь салгадаг хэмээн Пап лам хэлэв. Тэрээр залууст хандан Есүсийн хамт ирээдүйг чиглэн явахын тулд өөрсдийгөө урамшуулан, аз жаргал өөд тэмүүлэхийг уриалсан билээ.                                                                                                                                  Есүс “биднийг завших гэж биш, биднийг боолчлох гэж биш, харин биднийг чөлөөлөхийн” тулд өөртөө дагуулахыг урьж байна. 
Ариун Эцэг үргэлжлүүлэн, олон залуус өнөөгийн ажилгүйдлийн нөхцөл байдалтай тулгарч буйг шүүмжлэв. Ажилгүй байгаа залуу үеийн алдаа хохиролд бид өөрсдөө буулт хийж чадахгүй. Бид өөрсдийн хүчин чадлаа ашиглах хэрэгтэй, үүний тулд “залуус маань ажлаас төрдөг тэрхүү сүр хүч бүхий баяр хөөрийг” өөр дээрээ мэдрэх боломжтой.
1888 онд Мариагийн үзэгдсэн газарт барисан Ариун Сүмд энэхүү уулзалт цуглаан болсон бөгөөд Пап лам Францис үгээнхээ төгсгөлд Мариагийн залбиралд уриалан дуудсан юм. Тэрээр ийнхүү “урам зориг, итгэл найдвар болон дотно байдлын аян замд” яваа залуусдаа өөрийн адислалаа өргөсөн билээ.           

"Гэгээн Мариа Сүм"-ийн мэдээллийн булан

Миса бэлтгэх хуваарь

2014.06.29нд /10:30/     “Зуунмод" бүлгэм”

2014.07.06нд /10:30/     “Яармаг"

Эзэний өдрийн Мисандаа хүрэлцэн ирсэн бүх итгэгчиддээ баярлалаа..

• 7.02ны  лхагва гаригт 10:00 цагт сүм дээр Мисатай,  оройн  Миса "Яармаг"-т 19.00 цагт тус тус болно.
• 7.4ны Баасан гаригт 18:00 цагт Хүндтгэлийн залбиралтай  
• 7.6нд Зөвлөлийн гишүүд хуралтай тул та бүхэн идэвхитэй оролцоно уу.
• 7.6нд "Хайрын сургуулийн" хүүхдүүд зугаалга хийнэ. Та бүхэнд амжилт хүсэе.
• 7.10нд Католик сүм анх Монголд үүсгэн байгууллагдсан баярын өдөр болно. 
• 7.13нд "Хээрийн Миса" болон "Бэсрэг Наадам" байгаа тул та бүхэн идэвхитэй оролцож, сайхан наадаарай. Ялангуяа ирээгүй удаж байгаа ахан дүүсээ урьж байна.
• Баптизм хүртсэн бүх ахан дүүсийг долоо хоног бүрийн Мисаны дараа болдог "Библи хуваалцах бүлэг"-т урьж байна.  
• Анх удаа сүм дээр ирж буй ахан дүүсээ тавтай морилно уу хэмээн урьж байна.
• Ирэх долоо хоногийн Миса бэлтгэх хариуцлагатай, Яармаг бүлгэмийн ахан дүүс та бүхэндээ амжилт хүсэж байна.

Мисаны уншлага болон айлдалууд /2014.06.29-2014.07.6

  

	1-р уншлага	Дуулал	Айлдал
Даваа	Амос 2:6-10,13-16	Дуулал 50	Матай 8:18-22
Мягмар	Амос 3:1-8,4:11-12	Дуулал  5	Матай 8:23-27
Лхагва	Амос 5:14-15,21-24	Дуулал  50	Матай  8:28-34
Пүрэв	Ефес 2:19-22	Дуулал  80	Иохан  20:24-29
Баасан	Амос 8:4-6,9-12	Дуулал  119	Матай 9:9-13
Бямба	Амос 9:11-15	Дуулал  85	Матай  9:14-17
Ням	Зехариа  9:9-11 2-р унш Ром 8:9.8,11-16	Дуулал 145	Матай  11:25-30

Та бүхэн "Гэгээн Мариа Сүм"-н цахим хуудстай танилцаж, мэдээлэл болон номлол сонсоно уу.
http://gegeenmariasum.wix.com/gegeenmariasum
http://gegeenmariasum.blogspot.com/