Аливаа зүйлст санаачлага гаргаж, хийсэн ажлаа дуустал нь хийж, уйгагүй тууштай байвал тэр зүйл чамайг илэрхийлэх болно

Сайн байна уу? Та өөрийгөө бидэнд товч танилцуулаач. Залуучуудын бүлгийг хэдий их хугацаанд удирдаж байна вэ? Мөн Гэгээн Эх Мариа париш дээр өөр ямар ямар сайн дурын ажлуудыг гүйцэтгэж байна вэ? Энэ бүхнийг хийхэд өөрийн ажил цаг зав хувийн амьдралаа хэрхэн зохицуулдаг вэ?

Баярлалаа. Сэтгүүлийн хамт олон болон нийт  уншигчиддаа  Есүс Христийн мэндэлсэн өдрийн мэндийг  хүргэе.
Намайг Жаргалсайханы Одонгоо гэдэг.  2012 онд баптизм авсан. Миний  Баптизмын нэр Анна. Гэгээн Эх Мариа Католик сүмийн үе үеийн залуучууд  удирдах бүлгээ сонгож  үйл ажиллагаагаа тасралтгүй явуулсаар ирсэн. Одоо Залуучуудын  ерөнхий  удирдагчаар Фадер Томас  ажиллаж байгаа ба Петр, Анна, Хатанбаатар Пио болон миний  бие зөвлөх багийг бүрдүүлж  байна. Миний бие залуучуудын  бүлгэмийн туслах гишүүнээр ажиллаад ойролцоогоор 2 жил болж байна. Тухайн үед  зөвлөхийн гишүүд долоо хоног бүр уулзалдаж  ярилцаж  хийх ажлаа  төлөвлөдөг байсан. Би хичээлийн цаг заваараа чадах зүйлээрээ   туслахыг хичээдэг байлаа. Их сургуулиа төгсөж, ажилд орсноор цаг зав эрс багассан. Үүнээс эхэлж залуучуудын үйл ажиллагаанд ойроос биш алсаас туслах  боллоо.
 Энэ  нь ерөнхийдөө интернэтээр, зарим нэг зурагт үзүүлбэр, бичлэг гэх мэт зүйлсийг засварлах, санаа өгөх, дэм болох,  зарим нэг  бичвэр, текстийн алдаа, утгазүйг найруулж засах гэх мэт/Польш хүмүүс маань тэр үед монгол хэл гайгүй сайн мэддэг байсан./ ажил байлаа. Үүндээ ч чадахаараа тусалж, цаг явсаар ажилдаа албан тушаал зэрэг хашихаар болж  бүр ч завгүй болов. Яг үнэндээ энэ бүгдийн сүүлд нэг л зүйлийг ойлгосон. Залуучууддаа хандаж хэлэхэд: Аливаа зүйлст санаачлага гаргаж, хийсэн ажлаа дуустал нь  хийж, уйгагүй тууштай байвал тэр зүйл чамайг илэрхийлэх болно. Аливаа зүйлсээс зугталгүй аль болох санал санаачлагаа тултал нь гаргаж , чин сэтгэлээрээ хандаж чадах юм бол эхлүүлсэн ажил төдий чинээ урагштай  бүтэмжтэй сэтгэл хангалуун байх болно.

Итгэлийн амьдралд хөл тавихад танд хамгийн их нөлөөлсөн хүчин зүйл юу байсан бэ? Баптизмийн нэрээ хэрхэн сонгосон эсвэл сонирхолтой дурсамж байвал бидэнтэй хуваалцаач.2012 онд Баптизм авахаар  болсон. Амилалтын баярын мисаны өмнөх өдөр  нь нэр сонгох ёстойгоо мэдэж библи эргүүлж эмэгтэй нэр хайж байснаа санаж байна.  Мисаны өмнөх бэлтгэлийн үеэр фадерууд баптизмын ээж аавуудаа сонгосон эсэхийг  асуухад нь  Аугустин ахыг гэж хэлж билээ. Миний бапитзмын ээж талийгаач Болороо Гератина.

Таныг Азийн залуучуудын уулзалтад явж байсан гэж сонссон. Энэ уулзалтаар бусад улс орны залуучуудтай итгэл бишрэлээ хуваалцах тэр агшинд танд ямар сэтгэгдэл төрж байсан бэ?2014 онд Солонгос улсад зохиогдсон Азийн залуучуудын 6-р их наадамд нийт 35 хүний бүрэлдэхүүнтэй оролцоод ирсэн. Тухайн үед анх удаа олон орны /ойролцоогоор 25 гаруй улс/ төрөл бүрийн хэл соёлтой залуучуудтай уулзах, нэг баг хамт олон болох, хоорондоо ойлголцох гэх мэт зүйлсүүд тулгарсан. Гэвч 14 хоног хамт байсны эцэст олон олон найзуудтай болж өөрсдийн багахан ч болов итгэлээ хоорондоо хуваалцаж, түүгээр дамжуулан өөрсдийн итгэлээ улам батжуулсан гэдэгт итгэж байна. Үүний далимд сайн мэддэггүй таньдаггүй байсан монгол ахан дүүстэйгээ илүү ойр  хамтран ажиллах , хамт байх мөч тохиолдсонд маш их баярлаж явдаг

.

Монгол дахь Католик Сүмийн дүр төрх бол итгэгч залуучуудаас их шалтгаалдаг. Энэ талаар таны бодол юу вэ? Миний хувьд Залуучуудын өөрсдийнх нь идэвхи, санаачлага юм. Хамгийн чухал нь тэдний хийх хүсэл эрмэлзэл, хөдөлмөрөөс католик шашны ирээдүй шалтгаалж байна гэж боддог. Бид ямар байна, бидний үр хүүхэд эргэн тойрны найз нөхөд болон сүмд шинээр ирсэн хүмүүст Католик шашныг танилцуулах нүүр царай болно. Тиймээс бүхий л насны бүхий л залуучууд тэр дундаа гэр бүлтэй залуучуудаас бид дүү нартаа үзүүлэх үлгэр дууриалыг авдаг.Залуучуудын үйл ажиллагаанд нас харгалзахгүй бүх хүмүүсийн санал шүүмжлэл, тус дэмийг авах нь бидний хувьд нэр төрийн хэрэг. Харин түүнийг хүлээн авч хэрэгжүүлэх нь залуучууд бидний эв нэгдлээс шалтгаална. Иймд эв нэгдэл, санал санаачлага, хийж бүтээх хүсэл эрмэлзэл, хөдөлмөр байж л байвал тэр үед  Монголын Католик шашин хөгжсөөр л байна.


Паришд залуучуудын бүлгийг удирдаж байх явцад  ямар ямар асуудалтай тулгарч байв?
Жилийн өмнө би “Үе тэнгийн удирдагч” гэсэн сэдэв дор 2 шөнө, 3 өдрийн семинарт суусан юм. Тэр үеэр ойлгож авсан зүйлийн нэг нь аливаа юмыг эерэгээр харах ухаан. Эхэлж мууг нь биш сайныг нь түрүүлж харах явдал. Ямар ч хүнд асуудал тулгарсан бай арай өөр талаас нь харах шийдэх явдал юм. Бид бүгдээрээ л удирдагч, өөрсдийгөө удирдаж байж өөр хэн нэгний удирдагч байж чадна. Тиймээс залуучууд бид удирдагч хүний ёс суртахуун, мэдлэгийг эзэмшиж хэн нэг удирдагчийн үгийг хүлээх биш, өөрөө бид удирдагч юм шүү хэмээн түрүүлж сэтгэж, түрүүлж бодож, бусдаас түрүүлж хийсэн бүтээсэн үр шимээ харуулах нь таны өөртөө болон бусдад удирдагч байхын нэг гол үндэс болж өгдөг. 

Итгэл бишрэлийн Тулга сэтгүүл, Залуучуудын дуу хоолой булан

Амар амгалан та нартай хамт байх болтугай. Жу ХэЮн Иосеф

Жил бүр бидний дотноор хүлээн авдаг Дэжон католик дээд сургуулийн оюутнууд маань өөрсдийн сургуулийн дэмжигч гишүүдэд зориулан гаргадаг '하늘 가는 길'  буюу Тэнгэр лүү явах замд мэдээний 2016 оны 8-р сарын дугаарт Монголын маань тухай бичжээ. Бидэнтэй өнгөрүүлсэн цаг хугацаа болон дурсамж бүхэн сүмийн итгэгч ахан дүүсийн итгэл, нэгдэл болон хайрыг улам бэхжүүлж байхыг ерөөе. 

Хүндэт Дэжон Католик дээд сургуулийн дэмжигч гишүүд ээ

Сайн байцгаана уу? Жу Хэ Юн Иосеф гэдэг, Би одоогоор 4-р курсээ дуусгаад түр хугацаагаар сургуулиа орхин Муратуриум гэх шашны туршлагажилтын хугацааг өнгөрүүлж байна.

Санваартны сургуулийн Муратуриум оюутнууд нь одоо ганцаар эсхүл бүлгээр тархан сүм болон дэлхийтэй өөрийн биеэр танилцаж байна. Мөн тэрхүү туршлагаар Есүсийн санваартны үүргийг мэдрэн харж, тэр үүрэгт бэлтгэгдэж байна.

Би саяхан Муратуриумын нэг хэсэг болох Монгол дахь Шашин дэлгэрүүлэлттэй танилцаад ирлээ. Монгол дахь Шашин дэлгэрүүлэлт нь албан ёсоор 23 жилийн өмнө 3 санваартнаар эхлэн одоог хүртэл янз бүрийн шашны бүлгэм ба Дэжон хүрээний санваартнууд монгол итгэгчдийн хамт Шашныг босгон байгуулж байна. Хэдийгээр Ариун Угаал хүртсэн итгэгч 1200 хүн ч, ариун угаал хүртээгүй олон сонсогчид, хүүхдүүд хамтдаа миса өргөж байна. Мөн 8 сарын сүүл гэхэд Дэжон Католик дээд сургуульд хамтдаа суралцаж байсан Дикон Энх Монголын анхны санваартан болж сахил санваарын ёслолыг хүртэх юм. Ийнхүү Монгол дахь католик Шашин нь аажмаар тасралтгүй өргөжин хөгжиж байна. Би энэхүү Монгол дахь католик Шашны хамт өнгөрүүлсэн 3 сарын хугацаанд олон зүйлийг үзэн, мэдэрч чадсан юм.

Сайн мэдээ дэлгэрүүлэгч гэдэг нь гагцхүү тухайн газрын хүмүүст хайрыг “өгдөг” хүн бус, тэр газарт тэр хүмүүстэй хамт хоорондоо хайрыг “хуваалцдаг” хүн байсан юм. Цаашлаад санваартан нь бусдыг хайрлан, удирдах ёстой оршихуй төдий бус хамтдаа хайрыг хуваалцан тэдний дунд амьдрах ёстой гэдгийг мэдрэн бясалгаж чадсан юм. Надад энэ туршлагыг олж авахыг зөвшөөрсөн Тэнгэрбурханд талархъя. Мөн санваартны сургуулийн оюутан бидэнд энэхүү туршлагыг олж авахад залбирал ба анхаарал халамжаараа тусалсан .дэмжигч та нартаа чин сэтгэлээсээ талархъя. Та бүхний ачийг хүн нэг бүрт хариулж чадахгүй ч сайн санваартан болохыг хичээх болно. Монгол дахь католик Шашны төлөө та бүхний анхаарал ба залбирлыг хүсэхийн хамт бидний болон та бүхний гэр бүлд амар амгалан үргэлж байхын төлөө цаг ямагт залбирах болно. Баярлалаа.

Амар амгалан та нартай хамт байх болтугай. 

орчуулсан: Байгалмаа Марианна 

Харин залбирахыг сурсан цагаас хойш тэр уйтгартай зүйл үгүй болсондоо. Д.Балсан

Юуны өнмө бидэнтэй ярилцлага өгсөн танд баярлалага. Өөрийгөө бидэнд товч танилцуулаач.

Би “Хангай” дээд сургуулийн 1-р курсын хэвлэлийн дизайн ангийн оюутан. Ам бүл дөрвүүлээ амьдардаг.

Манайх 2004-н онд орон нутгаас хотруу шилжэн сууришсан. 

Миний сурч байгаа анги бол маш сонирхолтой. Би энэ ангийг өөрөө хайж олсон. Одоогоор potoshop прогромман  дээр ажиллахыг сурч байгаа.    

Таныг бас Католик Скаут гэж сонссон энэ тухай бидэнтэй хуваалцаач.

Скаут гэдэг үгийн орчуулбал хэзээд бэлэн бай! гэсэн уриа. Би 2008-нд Скаутад гишүүнээр элсэн орж одоог хүртэл  үйл ажиллагаанд нь оролцож байгаа. Скаутад элссэнээр хүүхэд бусадтай зөв боловсон харьцаж мөн өөрийгөө авч явах чадварыг эзэмшдэг.  

 Жишээ нь аялал зугаалгаар явах ч юмуу эсвэл ямар нэгэн үйл ажиллагаанд бүх зүйлийг хийж сурдаг: хоол хийх, цэвэрлэгээ, ус авах, түлээ бэлтгэх гэх мэтчилэн бүх юмыг өөрсдөө хийдэг. Үүнд шантрах үе байдаг ч маш их тэсвэр тэвчээр хатуужил хэрэгтэй. 

Хэзээнээс Католик шашныг мэддэг болов? сүмд ирж байсан анхны сэтгэгдэлээ бидэнтэй хуваалцаач. 

Лусиа гэлэмаагаар дамжуулан сүмийг мэддэг болсондоо.

Анх сүмд ирэхэд тэр орчин нөхцөл, уур амьсгал дөнгөж шинэ ирж байгаад ч тэр үү бага зэрэг эвгүй мэдрэмж төрж байсан. Харин дуу нь сонирхолтой маш их таалагдаж байсан.

Энэ хоёр жилийн хугацаанд шашны сургалтанд хэрхэн суралцсан вэ? 

Одоо бүгдийг нь санаж дурдаж чадахгүй ч маш олон зүйлийг багш нараасаа сурсан. Жишээ нь: анхан шатны сургалт болох “Алфа курст” Ариун Сүнс гал, тагтаа мэт бууж ирсэн тухай. Мөн Түүний хишиг ивээл гэх мэтчилэн. 

Мөн “Ариун угаал бэлтгэл”-ийн ангид нүдэнд үзэгдэх Тэнгэрбурханы хайрын 7-н сакраментын тухай маш сонирхолтой хичээлүүдийг үзсэн.

Ер нь багш нар маань их зүйлийг заажээ. Анх яаж залбирахаа мэддэггүй байлаа. Зүгээр нүдээ аниад л суудаг байсан. Маш уйтгартайгаар. Харин залбирахыг сурсан цагаас хойш тэр уйтгартай зүйл үгүй болсондоо.

Итгэлийн амьдралаасаа бидэнтэй хуваалцаач?

 Ер нь итгэлийн амьдралд хөл тавьснаар миний амьдралд нэг том өөрчлөлт гарсан. Энэ нь хувь хүний хувьд бусадтай илүү нээлттэй болж бусдыг илүү ойлгох, бусдад туслаж, өөрөө өөрийгөө нээж чадсан гэж хэлж болно.

Таны цаашдын зорилго юу вэ?

Дизайн нь гэдэг чинь ер нь маш авъяас шаардсан мэрэгжил. Хүнд дандаа гоё сайхан мэдрэмжийг төрүүлэх зорилготой. Миний мөрөөдөл бол сургуулиа сайн сурч төгсөөд дараа нь гадаадын их дээд сургуулиудад өөрийнхөө мэргэжлийг ахиулан сурах сонирхолтой байгаа.

Мөн намайг төрүүлж өсгөсөн ээжийгээ баярлуулах юмсан гэж дандаа боддогдоо.

Танд дотроо бодож явдаг ч юм уу эсвэл хамгийн хэлэх дуртай үг бий юу?

«Хүнд туславал өөрт тус,

Эвлүүл нэгийг бүтээнэ,

Ховловол нэгийг гутаана.»

Би бага байхдаа үсэглэлийн баяраар «Х» үсэг болж байсан. Энэ үсэгний хэлдэг үгийг хэзээ ч марддагүй миний дотор байнга бодогдож явдаг.

Ийнхүү өндөрлөснийхөө дараа тэрээр Скаутын талаар нилээн зүйлыг ярьж өгсөн. 

Ярилцлага өгсөн Балсандаа баярлалаа. Танд сурлагын өндөр амжилтыг хүсэн ерөөж. Гэр бүлд тань эрүүл энх, аз жаргалыг хүсэн ерөөе!  

 Итгэл бишрэлийн Тулга сэтгүүл, 2015/08/16 №2

Хан-Уул дүүргийн 2-р хорооныхоо хүүхдүүдэд туслав.

Манай Гэгээн Эх Мариа сүмийн залуучуудын санаачлагаар өөрсдөдөө байгаа зүйлсээ цуглуулан нийгмийн ажилд оролцлоо.

Тусламжаа хэрэгтэй хүнд нь хүргэхийн тулд тухайн Хан-Уул дүүргийн хорооны нийгмийн ажилтанд хандсан ба нийтдээ 25 хүүхдэд хувцас эд зүйлс ба хичээлийн хэрэглэлээр тусалсан юм. 

Залуучуудад зориулсан бясалгал

Энэ сарын 14нд манай "Гэгээн Мариа сүм" дээр залуучуудын бясалгал зохион байгуулагдсан билээ. Бясалгал Мисаны дараа үргэлжилсэн бөгөөд паришийн бүх залуучууд оролцсон юм. Бясалгалыг "Азийн залуучуудын VI наадам"-д оролцсон залуучууд удирдан паришийн бусад залуучууддаа зориулан бэлтгэснээр онцлогтой байлаа. Энэхүү бясалгалын талаар Одонгоо Анна өөрийнхөө сэтгэдлийг ийнхүү хуваалцсантай танилцана уу: 'Бид бясалгалаар дамжуулан хэрхэн өөрсдийгөөө ирэлтийн улиралд бэлтгэн, унтаа байдлаасаа сэрж, сэргэлэн цовоо өөдрөг итгэлтэйгээр Есүс Христийн төрсөн өдөр болох Христмасын баярыг тэмдэглэх талаар суралцлаа. Мөн залуучууд Азийн зургаадугаар их наадмын сүлд дууг хамтдаа дуулж бүжиглэн, гайхалтай ишлэлүүд болон өөрсдийн чин сэтгэлийн үгийг бусадтайгаа  хуваалцлаа. Бүгд нэг итгэл бишрэлтэй, бүгд нэг зорилго дор нэг өдрийг хамтдаа гайхалтай өнгөрүүлсэндээ баяртай байна.' ийнхүү өөрийн сэтгэгдлээ хуваалсан Анна болон энэ өдөр хүрэлцэн ирж гайхалтай мөчийг хамт өнгөрүүлсэн бүх залуучууддаа талархаад улам их амжилтын хүсэж байна.

Та бүхэн доорх линээр орж Азийн залуучуудын наадмын сүлд дууг монгол англи хадмалтайгаар авч үзнэ үү.

https://www.youtube.com/watch?v=Z84ey5pTW8Q

Мөн та бүхэндээ Пап лам Францисийн хэлсэн ишлэлүүд болон гайхалтай сургамжит үгүүдийг хүргэж байна.

https://www.youtube.com/watch?v=5pA1eAmypJ4

Дэлхийн Залуучуудын Өдөр өндөрлөв

Манай Католик шашнаас уламжлал болон зохиогддог “Дэлхийн Залуучуудын Өдөр” 2013 онд Бразил улсын Рио хотноо болсон билээ. Энэхүү үйл ажиллагаа 7.23 ~ 7.28 хүртэл үргэлжилсэн бөгөөд Пап лам Францис болон Хамба лам нар, мишинерүүд, дэлхийн өнцөг булан бүрээс ирсэн гурван сая мөргөлчид хүрэлцэн ирсэн байлаа. Энэ бүх хүмүүс Есүс Христийн нэрээр цуглан дэлхийн амар тайван байдлын төлөө хамтдаа залбирч өөрсдийн дуу хоолойгоо өргөж байсан юм. Энэ үйл ажиллагаанд манай Монгол Католик залуус ч мөн адил оролцож өөрсдийн дуу хоолойгоо өргөн, Есүс Христийн зааж буй тэнгэрлэг хайр, баяр жаргалын замд бусдыг уриалан дуудахад хувь нэмрээ оруулсанд бид бүхэн талархаж байгаа билээ. Пап лам Францис хаалтын Мисанд хийсэн номлолдоо: Хайрт Залуу Найзууд минь, “Явж бүх  үндэстнийг дагалдагч болгогтун ”. Есүс энэхүү үгээ бидний хүн нэг бүрт хандан хэлжээ: “Дэлхийн өнцөг булан бүрээс ирсэн залуустай итгэлээрээ хамт байж амьдарч, Дэлхийн Залуучуудын Өдөрт оролцоход гайхамшигтай байлаа. Гэвч бид одоо явах ёстой, одоо та бүхэн энэхүү туршлагаа бусдад дамжуулаарай.” Есүс та бүхнийг сайн мэдээ түгээх шавиа болгохоор дуудаж байна!  Өнөөдөр бидний сонссон Тэнгэрбурханы үгийн гэрлээр Тэнгэрлэг Эзэн бидэнд юу хэлж байна вэ? Гурван энгийн санаа: Явагтун, бүү ай, бас үйлчлэгтүн." хэмээн энэ үгсийг дэлгэрэнгүй тайлбарласан билээ. Энэ үйл ажиллагааг чих тавин дэлхийн улс орон бүрт хүмүүс сэтгэл догдлон хүлээн авч, сэтгэл зүрхээрээ хамт байж сайн мэдээг баяртай хүлээн авч байна. 

“Нэг сэтгэл нэг бие” Монголд ирлээ

14 дэх удаагийн “Нэг сэтгэл нэг бие” хөдөлгөөний итгэгч ахан дүүс маань өчигдөрхөн Солонгос улсаас Монголд ирээд Зуун мод хотноо үйл ажиллагаа явуулж эхэлсэн билээ. “Нэг сэтгэл нэг бие” хөдөлгөөн бол энэ дэлхий дээр бие биенээ улс орон, шашин шүтлэг, үндэстэн гэж ялгалгүй амьдрах гэсэн үзэл санааны дагуу дэлхий дээрх ядуу хөршүүдтэйгээ  ойр дотно харилцаагаа хуваалцан нэг гэр бүл, нэг ахан дүүс болохын төлөөх сайн дурын хөдөлгөөнийхөө хөтөлбөрөө Диаднүричүүдээр дамжуулан хэрэгжүүлдэг юм. Энэ 14 хоногийн үйл ажиллагаанд манай Монгол итгэгч залуус хамтран оролцож байгаа билээ. Өнөөдөр тэд бүгд тангаргаа өргөн фр. Кимтэй уулзан түүнээс “Хайрын төвийн түүх болоод үйл ажиллагааг сонсон, "Хайрын төв"н тохижилт, үхрийн фермийн худаг, мод тарьж зүлэгжүүлэх үйл ажиллагаатай танилцсанаар үйл ажиллагаа эхэлж байгаа юм.

Монгол дахь Католик “Залуучуудын наадам”

Манай Монгол дахь Католик шашны 20 жилийн ойд зориулан зохион байгуулсан “Залуучуудын наадам”-ыг 7 сарын 7нд тэмдэглэсэн юм. Монгол дахь Католик шашны тэргүүн Хамба лам Венсэслао Падилла хүрэлцэн ирж “Залуучуудын наадам”-ыг нээж, Ватикан улсын “Шашин дэлгэрүүлэх Яам”-ны нарийн бичгийн дарга, тэргүүн Хамба лам Савио Хон, Солонгос улсад суугаа Ватикан улсын элчин сайд (Нүүнсио) тэргүүн Хамба лам Освалдо Падилла болон бусад мишинерүүд бас “Залуучуудын наадам”-д оролцон залуучуудтай хамтран наадсан билээ. Өглөө 9 цагаас орой 18.30 хүртэл үргэлжилсэн энэхүү наадам дээр бүх паришийн итгэгч залуучууд хамтдаа итгэлийн амьдралаа хуваалцах, Миса өргөх, спортын уралдаан тэмцээнд оролцох, “Сарнайн эрхин залбирал” залбирах, дуулж залбирах гэсэн олон үйл ажиллагаа болсон юм. Залуус бүлэгт хуваагдан, бүлэг бүр Монгол дахь Католик шашны байгууллагуудын нэрээр н

уралдаанд оролцсон нь улам их хөгжилтэй болж хамтдаа дуулж залбирсан нь хамгийн их таалагдсан байна. Энэ “Залуучуудын наадам”-н өдөр бүх залуучууд Тэнгэрбурханы нэрээр хамтдаа цуглан нэгдэж, баяр хөөр, эрч хүчээр дүүрэн сайхан өдөр байлаа.