Тэнгэрбурханы Арван Бошиг

Манай “Гэгээн Эх Мариа” сүмээс 10 жилийн ойн хүрээнд Тэнгэрбурханы өргөө болсон сүмийн орчин тойрныг Тэнгэрбурхантай уулзаж залбирдаг, Ариун Газар болгоход  анхааран итгэгчиддээ зориулан олон ажил хийж байна. Үүний нэг нь “Тэнгэрбурханы Арван Бошиг” –г сүмийн хашаан дээр сийлж бичсэн ажил байлаа. Итгэгчид маань Тэнгэрбурханы арван бошгийг хараад тунгаан бясалгах бизээ. Энэхүү ажилд олон хүний сэтгэл болоод хүч хөдөлмөр шингэсэн юм. 

 1.  Би бол Эзэн, чиний Тэнгэрбурхан, чи надаас өөр бурхадтай байж болохгүй.

Орчлон ертөнцийг бүтээгч Тэнгэрбурхан бол ганц бөгөөд Ертөнцийн Эзэн билээ. Тиймээс бид Тэнгэрбурхан Эзэнээ өөр бусад Түүний бүтээлүүдтэй нь харьцуулах нь зохисгүй юм.

2.    Чи өөрийн Тэнгэрбурхан Эзэний алдрыг дэмий бүү дурд.

Солонгос Бинчешү гишүүд Монголд хүрэлцэн ирлээ

 Монгол дахь манай Католик шашны харьяа олон байгууллага хүмүүнлэгийн үйл ажиллагаа явуулдаг билээ. Үүний нэг нь таван жилийн өмнө анх Монголд үйл ажиллагаа явуулж эхэлсэн Гэгээн Бинчэшиүгийн нэрээр хаягласан байгууллага юм. Энэ байгууллагын гишүүд сайн дураараа нэгдэн, нэн ядуу амьдралтай хүмүүст туслан өөрт буй зүйлсээ хамтдаа хуваалцаж амьдрах замаар Тэнгэрбурханы хайр ивээлийг дамжуулж байгаа юм. Саяхан 8.21нд Солонгос улс дахь Бинчэшиү байгууллагын дарга ноён Нае Жон, Иосэф гуай өөрсдийн гишүүдийн хамт Монгол дахь Бинчэшиү байгууллагатай танилцаад Монгол дахь Бинчэшиү байгууллагын гишүүдээр бахархаж буйгаа илэрхийлсэн билээ. Энэ үед мөн Солонгос ахан дүүс маань Монгол хүүхдүүдэд зориулан олон зүйлс зааж өгөн, тэдэнтэй хамт тоглож наадан,   хүүхдүүдэд баяр хөөр бэлэглэсэн юм. Монгол дахь Бинчэшү байгууллагын гишүүд анх байгуулагдсан цагаасаа хогийн цэг дээр амьдардаг хүмүүст туслаж ирсэн билээ. Бинчэшиү гишүүд тэдэнтэй ойр дотно ярилцаж, тэдэнд зориулан өөрсдийн хийж чадах бүхнээ хийдэг байна. Долоо хоногт нэг удаа тэдэнд зориулан өөрсдийн гараар хоол унд хийж өгөн, хувцас хунар тарааж, сургууль завсардсан хүүхдүүдэд зориулан 1-5 дахь өдөр хичээл ном зааж сурган тэдэнд зориулан номын сан хүртэл байгуулж ажиллуулдаг байна.  

2012 оны 8 сарын 19нд "Жирийн улиралын XX ням гараг"-н номлол

1-р уншлага: Исаиа.22:19-23
2-р уншлага: Ром. 11:33-36
Айлдал: Матай. 16:13-20
Аудио бичлэг гартал түр хүлээнэ үү.

Номлол сонсох

Хайрын сургуулийн бэлтгэл ажил

 Манай “Гэгээн Эх Мариа” сүмийн “Хайрын Сургууль”-н багш нар 2012 оноос 2013 оны хичээлийн жилээ угтан 8 сарын 23нд семинар зохион явуулсан юм. “Хайрын Сургууль” явагдаж эхлээд 10 жил болж байгаа бөгөөд энэ хугацаанд маш олон багш нар өөрсдийн итгэлийн амьдралаа хөгжүүлэн Тэнгэрбурханы сайн мэдээг түгээхэд гүүр болохын төлөө хичээж ирсэн билээ. Мөн фр.Хо ерөнхийд нь багш нарыг хариуцан ажиллахаас гадна бас хичээл заадаг юм. Семинарын үеэр багш нар хамтдаа залбиран, өнгөрсөн хичээлийн жилийн “Хайрын Сургууль”-н талаар дүгнэлт гаргахаас гадна шинэ санаа гарган, өөрсдийн хичээлээ улам боловсронгуй болгон, төлөвлөгөө зохиож, бэлтгэл ажлын талаар нарийн ярилцсан юм. Хэдийгээр нэг өдрийн дотор хэтэрхий их зүйлийг ярилцан амжуулсан ч багш нар маань баяр хөөр, урам зориг дүүрэн “Хайрын Сургууль”-н хичээлийн 9 сарын 1ний шинэ өдрийг догдлон хүлээж байлаа.    

“Гэгээн Эх Мариа” сүмийн 10 жилийн ойн баяр

Манай “Гэгээн Эх Мариа” сүм ойн баяраа  Мариа Эх Тэнгэрт Заларсан баярын өдөр буюу 8 сарын 15нд тэмдэглэн өнгөрөөдөг билээ. 2012 онд 10 жилийн ойгоо угтан фр. Ким болон фр. Хо нар олон арга хэмжээ санаачилан зохион байгуулж байгаа билээ. Энэхүү баярын өдрөөр Мисагаа өргөн, Монгол найр зохион байгуулсан нь их өвөрмөц болж олны таашаалд хүрсэн байна. Баярын Мисанд Монгол дахь Католик шашны тэргүүн Хамба лам, эрхэм хүндэт Венсэслао Падилла болон бусад санваартан, мишинерүүд хүрэлцэн ирж фр. Ким, фр. Хо болон бүх итгэгчдэд баяр хүргэсэн юм. Мөн энэ өдөр Хамба лам Венсэслао Падилла итгэгчдэд Баптизм хүртээж Миса удирдсан ба тэрээр номлолдоо: “Эргэл Мөргөл”-н үйл ажиллагаа нь итгэгчдэд итгэлийн амьдрал улам бат бэх болгоход нөлөөлсөн тухай, Хар Хорин хотод Миса өргөх ёслолын үед цугласан итгэгчид  Тэнгэрбурхантай хамт байж хэрхэн гайхамшигтайгаар нэг бие болж байсныг дурдаад, цаашид 10 жилийн ойг угтсан 2022 он хүртэл “Гэгээн Эх Мариа” сүмээс гаргасан уриа ч мөн адил бидний эргэл мөргөл болж үргэлжилсээр буйг баяртайгаар тэмдэглэн хэлсэн билээ.  

10-н жилийн миса - Бишоп Венс номлол

10-н жилийн миса - нэгдэлийн ёслол

2012 онд баптизм хүртсэн итгэгчдээр “Их Бясалгал” өндөрлөв

Манай “Гэгээн Эх Мариа” сүмийн 10 жилийн ойд зориулсан “Их Бясалгал”д  хамгийн сүүлд буюу 2012 онд баптизм хүртсэн итгэгчид болон өмнө нь ирж амжаагүй итгэгчид 8 сарын 11нд  оролцсоноор энэ удаагийн бясалгал өндөрлөв. Бясалгал 07.07оос 08.11 хооронд он оноор 6 үе шаттай баптизм хүртсэн итгэгчид оролцсон билээ. Энэ үйл ажиллагааны зорилго нь итгэгчдийнхээ итгэлийн амьдралыг дээшлүүлэхээс гадна удаан хугацаанд ирж чадаагүй итгэгчидээ урин, тэднийг Тэнгэрбурхантай илүү ойр уулзаж хайр ивээлийг нь хүлээн авах боломж өгөх явдал байлаа. Нийт 140 орчим итгэгчид урилгыг хүлээн авч  “Их Бясалгал” –д оролцож өөрсдийн итгэлийн амьдралаа гүнзгийрүүлэн, Тэнгэрбурханы хайр ивээлийг хүлээн авснаар цаашид ямар ч бэрхшээл тохиолдсон бие биенийхээ гарыг тавилгүй хамтдаа даван туулж алхан, бие биедээ туслаж амьдрахыг хичээцгээе гэсэн уриа гаргаж байгаа юм.      

2012 оны 8 сарын 12 нд "Жирийн улиралын XIX ням гараг"н номлол

1-р уншлага: Хаад. 19:4-8
2-р уншлага: Ром. 11:33-36
Айлдал: Иохан. 6:41-51

Аудио бичлэг гартал түр хүлээнэ үү.
Номлол сонсох

Новенио 9 өдрийн залбиралд урьж байна

Манай "Гэгээн Эх Мариа" сүмийн 10 жилийн ойд зориулан Новенио залбирал зохион байгуулж байгаа билээ. Энэ залбирал 8.6 наас 8.15 хүртэл үргэлжилж байгаа бөгөөд өдөр бүр 15.00 цагаас 18.00 цаг хүртэл явагдаж байна. Итгэгч та бүхэн "Новенио" залбиралд оролцсоноор Есүстэй илүү ойр, хамт байх боломж гарч байгаа юм. Та бүхнийг "Гэгээн Эх Мариа" сүм дээр урьж байна.      

XIV удаагийн “Нэг сэтгэл нэг бие” хамт олондоо баярлалаа

Энэ удаагийн “Нэг сэтгэл нэг бие” хөдөлгөөний үйл ажиллагаа 7.25-аас 8.8 хүртэл 2 долоо хоног үргэлжилсэн бөгөөд 40 орчим итгэгчид хамтран оролцсон билээ. Энэ хугацаанд “Нэг сэтгэл нэг бие” хөдөлгөөний залуус маань Төв аймаг дахь “Хайрын төв”-ийн хашаа болон байшинг будаж, тохижуулах болоод худгийн урд талыг цеминтлэх гээд олон ажлыг бүтээсэн байна. Монголд зохион байгуулж буй 14 дэх “Нэг сэтгэл нэг бие” хөдөлгөөний Монгол болон Солонгос залуус маань энэ их ажлын хажуугаар өөрсдийн итгэлийн амьдралаа улам хөгжүүлэн хамтдаа залбирч бас авьяас чадвараа хуваалцаж, бие биедээ туслан нэг гэр бүл мэт болсон байлаа. Өөрсдийн итгэл бишрэл болон сайн үйлсээр Тэнгэрбурханы хайр ивээлийг үзүүлж буй “Нэг сэтгэл нэг бие” хөдөлгөөний ахан дүүс нартаа талархаж байна.  

         

Зуун мод дахь “Хайрын Төв”-д урьж байна

 Төв аймгийн Зуун мод хотод байршиж буй “Хайрын Төв” нь фр. Ким болон манай итгэгч нарын санаачлагаар байгуулагдсан бөгөөд анх монголчууд бид өөрсдийн хэрэглэж буй хоол хүнс, ойр зуурын хэрэгцээт бүтээгдэхүүнээ өөрсдийн гараар бүтээж сурах, үндэсний үйлдвэрлэлээ дэмжиж, хүмүүнлэгийн үйл ажиллагаанд туслах зорилготой үүссэн билээ. Одоогоор үхрийн ферм, сүү цагаан идээ боловсруулах цех, ногооны талбай, түлш бэлтгэх цех зэргийг барьж байгуулан үйл ажиллагаа явуулж байгаа бөгөөд манай итгэгч Петр ах хариуцан ажиллаж байна.

  Үхрийн ферм:  Үхрийн ферм дээр малын саравч, өвс тэжээл хураах саравч, зойр зэргийг барьж байгуулсан бөгөөд хоёр малчин ажиллаж байна. Одоогоор нийт 12 үхэр, 5 тугалтайгаар үйл ажиллагаа явуулж байгаа юм. Олон залуусыг малчдын амьдралд туслах, малчдын амьдралтай танилцах үйл ажиллагаа зохион байгуулснаар тэднийг ажил хөдөлмөрт суралцан монгол ахуй соёлоо ухамсарлан ойлгоход их тус болж байдаг билээ.

Сүү цагаан идээ боловсруулах цех:
Сүү цагаан идээ боловсруулах цехэд тараг, аарц, цөцгий, ааруул, бяслаг зэргийг боловсруулж байсан. Боловсруулсан сүү цагаан идээгээр сургууль, цэцэрлэгүүдийг хангахаас гадна хүмүүнлэгийн үйл ажилд зарцуулж ирсэн юм. 

 Тариан талбай:

Хүсний ногоогоо өөрсдөө тарьж бэлтгэх зорилготой байгуулсан билээ. Одоогийн байдлаар байгаль экологийн асуудлыг арилгах, сэргээн босгох ажлыг дэмжин, хувь нэмрээ оруулах зорилгоор 4 сард мод тарих ажлыг эхлээд байна. Үлдсэн газар нь одоогоор ашиглагдаагүй үлдсэн байгаа юм. Өөрсдийн хүсэл сонирхлоороо тариа ногоо тарьж хүмүүнлэгийн ажил үйлсэд тус нэмэр болох итгэгч нарыг хамтран үйл ажиллагаа явуулахыг урьж байна.    
  

Түлш бэлтгэх цех:

Түлш бэлтгэх цех нь энэ жил үйл ажиллагаа явуулахаар бэлтгэж байгаа бөгөөд түүхий эд бэлтгэх газар, түлш боловсруулах буюу үйлдвэрлэх газар болон түлш хураах газар гэсэн хэсгээс бүрдэнэ. Хаягдал материал ашиглан чанартай, хямд түлш бэлтгэж сурснаар илүү сайн арга технологи олж улмаар бусад ахан дүүстэйгээ хуваалцах зорилготой юм. Энэ түлшний цехэд сайн дураараа ажиллах итгэгчдийг урьж байна.      

2012 оны 8 сарын 5 нд "Жирийн улиралын XVIII ням гараг"н номлол

1-р уншлага: Египет. 16:2-4

2-р уншлага: Ефэс. 4:17, 20-24

Айлдал: Иохан. 6:24-35

Аудио бичлэг гартал түр хүлээнэ үү.

Номлол сонсох 

2010 он, 2011 оны “Их Бясалгал”

 8 сарын 4нд болсон “Их Бясалгал”-д 26 итгэгчид оролцсон бөгөөд  Кларагийн бэлтгэсэн “Наминчлал”, фр.Кимээс “Сарнайн эрх”-н залбирал, “Мисаны үнэ цэнэ”, “Ёс суртахуунт амьдрал” н талаар сонсож, итгэлийн амьдралаа хуваалцсан юм. Өнөөгийн нийгмийн болон гэр бүлийн олон асуудлууд дунд өөрсдийн итгэлийн амьдралаа хэвээр хадгалан ёс суртахуунт амьдралаар амьдрах нь амар хялбар хэрэг биш билээ. Харин Тэнгэрбурханы урилгыг хүлээн авч ирсэн итгэгчид маань өөрсдийн итгэлийн амьдралдаа үнэлж баршгүй хайр хишгийг хүлээн авсан нь лавтай.

Хээрийн Миса

 Манай “Гэгээн Эх Мариа” сүмээс 10 жилийн ойн хүрээнд “Хайрын Сургууль”-н хүүхдүүддээ зориулан хээрийн Миса зохион байгуулсан билээ. Энэ Мисаг фр. Хо удирдсан бөгөөд багш нар болон мишинерүүд, хүүхдүүд гээд 80 орчим хүн оролцсон юм. Энэ үйл ажиллагааны үеэр хүүхдүүд 10 жилийн дараа буюу 2022 он гэхэд ямар хүн болох, юу хийхийг хүсэж буйгаа бичиж бас зурж үзүүлэн өөрсдийн мөрөөдлөө хуваалцсан нь их сонирхолтой байлаа. Мөн “Хайрын сургууль”-н багш нар олон тэмцээн, уралдаан зохион байгуулсан нь хүүхдүүдэд их хөгжилтэй, баяр хөөртэй өдөр боллоо.        

“Энэрэлт Мариа Эх” сүмийн баяр

Манай “Энэрэлт Мариа Эх” сүмийн баяр 6 сарын 20нд болсон бөгөөд саяхан тэмдэглэн өнгөрүүлсэн юм. Энэ баярт оролцохоор мишинерүүд болон итгэгчид  “Энэрэлт Мариа Эх” сүмд очиж Арвайхээрийн итгэгч ахан дүүстэйгээ уулзан, тэдний итгэлийн амьдралтай танилцсан билээ. Манай Арвайхээрийн итгэгчид биднийг гэртээ урьж хамт нэг өдрийг өнгөрүүлэн, өөрсдийн амьдралдаа Тэнгэрбурханы ивээлийг хэрхэн хүлээн авч, мөн бусадтайгаа хуваалцдаг тухайгаа бидэнд ярьж өгсөн нь гайхамшигтай байсан юм.  Ийнхүү Арвайхээрт буй итгэгч ахан дүүс маань Тэнгэрбурханы хайр хишгийг баяртайгаар хүлээн авч, хуваалцаж байгааг хараад бид ч мөн адил Тэнгэрбурхандаа талархаж түүний гайхамшигт хайрыг мэдэрсэн билээ. “Энэрэлт Мариа Эх” сүмийн итгэгч та бүхэндээ баярлалаа. 

2012 оны 7 сарын 29нд "Жирийн улиралын XVII ням гараг"-н номлол

1 -р уншлага: 2 Хаан.4:42-44

2 -р уншлага: Еф. 4:1-6

Айлдал: Иохан. 6:1-15

Аудио бичлэг гартал түр хүлээнэ үү.

Номлол сонсох