Пап лам Францисын уриалгаас

 

09/18/2015

Куб болон АНУ-д хийх миний залбирлын аянд та бүхнийг нэгдэхийг хүсэж байна. Надад та бүхний залбирал хэрэгтэй байна.

09/17/2015

Шударга бус байдал болон зовлон шаналалыг үл харгалзан, Тэнгэрлэг Эзэний ялалт бол гарцаагүй билээ.

09/14/2015

Тэнгэрбурхан дорд нэгнийг хайрладаг. Биднийг даруу төлөв амьдрах үед, тэрээр бидний бяцхан хүчин чармайлтыг авч агуу зүйлсийг бүтээдэг билээ.

 

Пап лам Францисын уриалгаас

09/14/2015

Тэнгэрбурхан зөөлнийг хайрладаг. Бид эгэл даруухан амьдрах үед Тэрээр бидний өчүүхэн хүчин чармайлтыг хүлээн авч, агуу зүйлсийг бүтээдэг билээ.

09/12/2015

Бид цаг үргэлж загалмайн тэмдэг зурсанаар Ариун Гурвалын агуу нууцад илүү ойртож байдаг.

09/10/2015

Бид өдөр бүр Тэнгэрбурхандаа “Танд баярлалаа” хэмээн хэлдэг билүү?

09/08/2015

Европ дахь париш болон хамт олон бүр дүрвэгдсэн гэр бүлийг хөтөч болон хүлээн авах болтугай.

09/07/2015

Бидний эмэгтэйгээс онцгойлон ажилгүйдэлд өртсөн бүх гэр бүлүүдийн төлөө залбирч өгөхийг гуйж байна.

Пап лам Францисын уриалгаас

08/28/2015

Тэнгэрлэг Эзэн минь, бид үргэлж ядуу гэр бүлүүдэд өгөөмөр хандаж, илүү ойр дотно байхад тусална уу.

08/25/2015

Эд баялагт хэт их татагдсан Христчин хүн өөрийн замаа алдсан байдаг.

08/21/2015

Өдөр бүрийн айлдлыг унших нь бидэнд өөрсдийн хувиа бодсон зан чанараа даван туулж, Багш Есүсээ үнэнчээр дагахад тус болдог билээ.

08/18/2015

Эцэгийн энэрэнгүй хайрыг бид өөрийн биеэр үзэж туулах үедээ, энэ бүхнээ баяртайгаар хөрштэйгөө хуваалцах боломж илүү их байдаг.

08/15/2015

Тэнгэрбурхан хамгийн эгэл даруу нэгнээр дамжуулан өөрийн агуу үйл хэргээ гүйцэлдүүлдэг болохыг Мариагийн амьдрал харуулдаг билээ.

Пап лам Францисын уриалгаас

08/15/2015

Тэнгэрбурхан хамгийн эгэл даруу хүмүүсээр дамжуулан агуу их үйл хэргээ гүйцэлдүүлдэг болохыг Мариагийн амьдрал харуулдаг билээ.

08/13/2015

Мариа бол хишиг ивээлээр дүүрэн билээ. Тэрээр биднийг сорилтонд орох үед маань үнэхээр биднийг тайтгаруулдаг.

08/11/2015

Христтэй нүүр тулсан уулзалт нь бидний амьдралыг бүрэн өөрчилж чаддаг билээ.

08/08/2015

Бид бүгд гэм нүгэлтнүүд. Тэнгэрбурханы ивээл хишгээр өөрсдийгөө хувиргацгаая.

08/06/2015

Бид өөрсдийн Христчин амьдралаар уламжлан маш олон эрдэм буяныг сурч авдаг. Бүхнээс дээгүүр, ямар ч хариу нэхэлгүйгээр хайрлахыг бид сурдаг билээ.

Пап ламын уриалгаас

08/04/2015

Бүгдээрэй Тэнгэрбурханы хайрыг зөвшөөрч өөрсдийн дотор гүн гүнзгий үндэслүүлцгээе.

08/01/2015

Гэр бүл дэх зочломтгой байдал бол өнөө үед, ялангуяа туйлын их ядуурал бий болсон нөхцөл байдалд гол эерэг шинж чанар билээ.

07/30/2015

Гэрлэлтийн хамгийн хүчирхэг гэрчлэл бол Христчин хосын үлгэр дуурайлтай амьдрал юм.

07/28/2015

Эрхэм хүндэт залуу анд нөхөд минь, гэрлэлтээс бүү айгтун: Христ өөртэй нь нэгдэж үлдсэн бүхий л хосуудтай өөрийн ивээл хишгээр хамтдаа алхаж байдаг.

07/25/2015

Христчин хүний гэрчлэл бол бодитой оршдог: үйлс үгүй үгс бол хий хоосон байдаг.

Пап лам Францисын уриалгаас

07/04/2015

Бидэнд жинхэнэ эрх чөлөө болон жинхэнэ аз жаргалыг өгдөг зүйл бол Христийн өрөвч нигүүлсэнгүй хайр билээ.

07/02/2015

Агуу дуудлага: Тэнгэрбурханаас бидэнд итгэмжтэйгээр хүлээлгэн өгсөн цэцэрлэгийн сүйрлийг зогсоох явдал билээ. Тэгснээр бүгд үүнд тааламжтай байх болтугай.

06/30/2015

Бидний амьдралыг утга учиртай болгож, биднийг авардаг Тэнгэрбурханы хайрыг хүн бүрт тунхаглах нь ямар гайхалтай хэрэг билээ.

06/27/2015

Шашин бол зүрх сэтгэлээ нээж бүхий л хүмүүст, ялангуяа хамаг хүчээр хичээж буй хүмүүст туслахад бэлэн байдаг эх хүн билээ.

06/25/2015

Гэмшлээр уламжлан Есүс өөр шигээ хайрлах чадвартай шинэ зүрх сэтгэлийг бидэнд өгөхийн тулд, биднийг бүхий л гэм нүглийн хамт угтан авдаг

06/23/2015

Тэнгэрбурханы хайр бол чөлөөтэй. Тэр хариуд нь юу ч хүсдэггүй; түүний хүсэж буй бүхий л зүйл бол өөрийн хайраа хүлээн зөвшөөрүүлэх юм.

 

Пап лам Францисын уриалгаас

06/19/2015

Тэнгэрлэг Эзэн минь, биднийг өөрийн хүч чадал болоод гэрэл гэгээгээр барьж авна уу. Бид илүү сайн ирээдүйн төлөө бэлтгэж, бүхий л амьдралаа хамгаалахад бидэнд туслана уу.

06/19/2015

Бүгдээрэй алхаж буйн нэгэн адил дуулцгаая. Энэ дэлхий дээрх тэмцэл болон санаа зовоож буй зүйлс нь бидний итгэл найдварын баяр хөөрийг маань хэзээ ч бүү арилгах болтугай.

06/19/2015

Хуваагдашгүй нэгдмэл байглийн ухаан нь биднийг өөрсдийн амьдралын хэв маяг болон өөрсдийн бодол санаандаа эргэцүүлэл хийх цагийг багтааж өгдөг. 

06/19/2015

Христчин хүний сүнслэг амьдрал нь амьдралын мөн чанарын хувьд шинэлэг ойлголтыг санал болгодог.

06/19/2015

Бид өөрийн авьяас чадвараар амьдарч буй Тэнгэрбурханы гараар урлагдсан хамгаалагч байна гэдэг нь бидний Христчин амьдралын туршлага дахь хоёрдогч нүүр царай биш юм. 

Пап лам Францисын уриалгаас

06/13/2015

Өнөөгийн Шашин бол итгэл бишрэлийнхээ төлөө амиа золиослогчдын маш олон баатарлаг гэрчлэлүүдээс бий болсон Шашин юм. Бид тэдний урам зоригоос суралцах болтугай.

06/11/2015

Ажил хөдөлмөр байхгүй газар сүр хүч үгүй.

06/09/2015

Эвхаристын Ариун ёслолоор бид нар өөрийгөө өгч буй Тэнгэрбурханыг олдог билээ.

06/04/2015

Бид Тэнгэрбурханы Ерөөлийн гэрлээр нийгмийг босгон байгуулж, өөрсдийн дунд буй Хаанчлалыг зорин алхах хэрэгтэй.

06/02/2015

Айлдлын гэрэл нь хайрын соёл иргэншилд үйлчлэхээр өөрсдийгөө зориулж буй бүх хүнийг удирдан дагуулдаг юм.

Пап лам Францисын уриалгаас

05/30/2015

Тэнгэрлэг Эзэн минь, биднийг Өөртэйгөө уулзуулдаг гайхамшигт бэлгийг соёрхоно уу.

05/28/2015

Христчин хүмүүс онолын мэдлэгт бус харин Хүнд хандаж: Христ бол амилсан бөгөөд амьд, бүхний Аврагч нэгэн билээ хэмээн гэрчилдэг.

 

 

05/26/2015

Бид хөгширсөөр байгаа өөрийн өвөө эмээдээ айлчилснаар Дөрөв дэх Хуулиа сахих боломжтой юм.

05/23/2015

Ариун Сүнс өдөр бүр бидний сэрээх болтугай: Тэрээр Христийн дагалдагчдын замд биднийг удирдан дагуулдаг билээ.

05/22/2015

Тэнгэрлэг Эзэн минь, дарамтанд орсон Христчин хүмүүст өөрийн Ариун Сүнсийг илгээж, тайтгарал ба хүч чадлыг авчирч өгнө үү.

Пап лам: Айдастай бас баяр хөөргүй хамт олон бол Христчин биш

Айдастай бас баяр баясалгүй хамт олон өвчилсөн байдаг бөгөөд, тэд нар Христчин хамт олон биш юм. Энэ бол Пап лам Францисын Гэгээн Мартын өргөөнд өргөсөн Мисан дээр хэлсэн захиас юм.

“Айдас” ба “баяр хөөр” – эдгээр үгс нь бүтэн өдрийн ёслолын үгс юм. Айдас бол “биднийг гэмтээдэг хандлага юм гэж Пап лам хэлэв. Энэ нь биднийг сул дорой болгож, энэ нь биднийг гэмтээдэг. Энэ нь бүр биднийг мэдээ алдуулдаг. Айж байгаа хүн “юу ч хийдэггүй, юу хийхээ ч мэддэггүй.” Тэрээр зөвхөн өөртөө төвлөрч, тэгснээр ямар ч муу зүйл тохиолдохгүй. Айдас нь “биднийг өөртөө төвлөрсөн амиа хичээгч болгож, мэдээ алдуулдаг.” Айдастай Христчин хүн бол Есүсийн захиасыг ойлгоогүй хүн хэмээн тэрээр үргэлжлүүлэв.  

“Тийм учраас Есүс Паулд хандаж: ‘Бүү ай. Яриага үргэлжлүүлэгтүн.’ хэмээн хэлдэг. Айдас бол Христчин хүний хандлага биш. Энэ хандлага бол бидний хэлдэгчлэн эрх чөлөөгүй торонд орсон амьтадыг хэлнэ, толгойгоо дээш өргөн ямар нэг зүйл бүтээж, сайн зүйл хийх эрх чөлөөгүй хүн юм..... үргэлж үгүй: ‘Үгүй, гэхдээ энэ аюултай, энэ бол өөр зүйл, өөр...’ Тэгвэл энэ бол дутагдал. Айдас нь хор хөнөөл учруулдаг.”

Пап лам Францисын уриалгаас

05/16/2015

Өөрийн хаагдмал байдлаас болж өвчилсөн Шашин байснаас, гадагш гарч гудамжинд шархалсан Шашин байсан нь илүү дээр.

 

05/14/2015

Эрхэм хүндэт эцэг эхчүүд ээ, та бүхэн сэтгэл зүрхнийхээ гүнээс уучилж өршөөж чаддаг, агуу их тэвчээртэй байгаарай.

 

 

05/12/2015

Яагаад бусдын алдаа дутагдлыг тэвчихэд тийм хэцүү байдаг юм бэ? Бидний гэм нүглээс болж гуниглаж буй Есүсийг бид мартсан юм биш биз?

 

05/09/2015

Тэд биднийг хайрлаагүй байсан ч хүн бүрийг хайрлан, сайхан сэтгэлээр амьдарч сурцгаая.

05/07/2015

Бид өөрийн талхны мөнгөө олж чадахгүй тохиолдолд, бид өөрсдийн сүр хүчээ алддаг. Ялангуяа залуучуудын хувьд, энэ бол өнөөгийн эмгэнэлт явдал юм.

Пап лам Францисын уриалгаас

 

05/05/2015

Есүсийн харцыг өөртөө мэдэрч, сүм дуганы өмнө цаг өнгөрүүлэх нь бидний хувьд сайн юм.

05/02/2015        

Христийн хайр бидний зүрх сэтгэлийг дүүргэж, биднийг үргэлж уучилж өршөөх боломжтой болгодог.

04/30/2015                                                                                

Бид олон саад бэрхшээл дунд байхдаа, бүр булшинд байхдаа ч Тэнгэрбурханы хязгааргүй энэрэл нигүүсэлд итгэх өөрийн итгэлээ алдахгүй байх болтугай.

04/28/2015                                                                                      

Өөрсдийг нь сонсох ахан дүүсийг олохын тулд, Тэнгэрбурханыг эрж хайж буй  

тэдгээр хүмүүст зориулан бүх Христчин хамт олон тавтай морилхыг урьж байдаг гэр нь байх ёстой.  

04/25/2015

Бид нар өөрөө өөрөөсөө гарч, Тэнгэрбурханы энэрэл нигүүсэл ба хайр энхрийллийг бүгдэд хүргэдэг Христчин хүмүүс билээ.  

Пап лам Францисын уриалгаас

04/23/2015

Ариун ёслолуудаар уламжлан бид нар бодох хүч чадлыг олж нээдэг билээ.

04/21/2015

Бид эх дэлхийдээ анхаарал халамж тавих хэрэгтэй, тэгснээр Тэнгэрбурханы гэрээслэл буюу бүх хүн төрөлхтний гэр бүлд зориулсан амьдралын эх ундарга үргэлжлэх болно.

04/17/2015

Зовлон шаналалын Ээж, Мариа минь, агуу их зовлон шаналалын цаг мөч дэх Тэнгэрбурханы гэрээслэлийг ойлгоход бидэнд тусална уу.

04/14/2015                                       

Тэнгэрлэг Эзэн бол хэзээ ч биднийг уучлилж өршөөхөөс залхдаггүй. Харин бид нар уучилж өршөөхөөс залхдаг.

04/10/2015                 

Бид нар зөвхөн өөрсдийн амьдралд гүн гүнзгий нөлөө үзүүлсэн Айлдлыг бусдад хүргэж чаддаг.

Пап лам Францисын уриалгаас

04/06/2015

Тэнгэрлэг Эцэг минь, бид хязгааргүй хайрлаж, өгөөмөр сэтгэлийн эрдэм ухаанаар амьдрахад тусална уу.

04/05/2015

Христ амиллаа! Христ бидэнтэй аялаж, амьдарч байна!

04/03/2015

Христийн загалмай бол ялагдал биш: Загалмай бол хайр ба нигүүсэл юм.

04/02/2015

Есүс шавь нарынхаа хөлийг угаадаг. Бид бусдад ингэж үйлчилэхэд бэлэн үү?

03/31/2015                           

Наминчлал бол Тэнгэрбурханы хайр энхрийллийн ёслол, биднийг тэвэрч буй Түүний арга барил билээ.

Пап лам Христчин хүмүүсийг итгэлээ бишрэлээ үйл хөдлөлөөр илэрхийлэхэд дуудаж байна

 

Христчин хүмүүс бол итгэлээ үйл хөдлөлөөр илэрхийлэх дуудлагатай, Пап лам одоогоор Христтэй нүүр тулан учирхаар туршлага хуримтлуулж буй хүмүүст хандан “бид Есүстэй уулзаж, Түүнийг сонсож бас Түүнийг мэдэж чадна” гээд хармааны хэмжээтэй Айлдлаа бэлэг болгон барьж байна.   

Бодит байдлаас мэдээлснээр 50 мянган хувь хэвлэгдсэн Айлдал нь Талбайд буй 300 орон гэргүй хүмүүст хүрсэн байсан, “энэ бол гайхалтай дохио юм” Есүс хэлэхдээ: “бидэнд хамгийн их шаардлагатай зүйлс бол Тэнгэрбурханы Үгийг бидэнд өгч буй нэгэн” хэмээн Пап лам хэлэв.

 “Үүнийг ав  – тэр хэлээд – өөрийн хармаа юмуу цүнхэндээ байлгаж, өдөртөө уншаарай. Тэнгэрбурханы үг бидний замыг гэрэлтүүлдэг. Энэ нь чамд сайныг үйлдэнэ!”

Пап лам Наминчлалын улирлын Тав дахь ням гаргийн уншлагыг эргэцүүлэн, баяр тэмдэглэхээр Иерусалимд ирсэн хэсэг бүлэг Иудейн Грек хүмүүс Флипэд хандан “Бид Есүсийг хармаар байна” хэмээн Иохан өгүүлсэн болохыг хэлэв. Тухайн үед Ариун хотод Өндөр тушаалын санваартнууд, улс төрийн удирдагч нар, түүнчлэн хотын иргэд болон ард олон байсан бөгөөд тэд ч бас тэдгээр “Грекчүүд”-тэй нэгэн адил Есүсийг мэдэж аваад, түүний амьдралаас суралцах гэсэн хүмүүс байсан болохыг Францис тэмдэглэн хэлэв.   

Тэгээд “Бид Есүсийг хармаар байна” хэмээн давтан хэлээд, бидний дундаас олонхи нь Есүсийг хармаар байгаа, түүний амьдралаар өгсөн захиасыг эрж хайж байна хэмээн Пап лам Францис хэлсэн юм. Тэдэнд хандаж – тэр хэлэхдээ – “үүнд бидний илэрхийлж чадах гурван зүйл байна: Айлдал, загалмай болон бидний гэрчлэл”.

Айлдалд – Пап лам хэлэхдээ – Тэр биднийг аврахын тулд загалмай дээр нас барах үед, бидэнд зориулсан Түүний хайрын бодит тэмдэг болсон загалмайгаар дамжуулан Есүсийг харж, түүний үгийг сонсох боломжтой; Христчин хүмүүсийн гэрчлэгч болсноор бид ахан дүүстээ буян үйлдэх энгийн дохиогоор өөрсдийн итгэл бишрэлээ илэрхийлж чадна.

Тэнгэр элчийн залбирлаа уншсаны дараа, Пап лам Францис шашны хариуцлагатай ажлаар Бямба гаригт айлчлах үед халуун дотноор угтан авсан Наплесийн ард олонд талархлаа илэрхийлсэн билээ.

Мөн өнөөдөр Дэлхийн Усны Өдрийг тэмдэглэж буйг онцлоод, ус бол амьдралын хамгийн зайлшгүй бүрэлдэхүүн хэсэг бөгөөд хүн төрөлхтний ирээдүй маань усаа хэрхэн хамгаалж, усыг ашиглах бодлогоо хэрхэн зөв зүйтэй бий болгох бидний чадвараас хамаарч байна.

Усны бодлогыг зөвлөх олон удсын нийгэмлэгийн дуудлагаар гариг маань усаар хүрэлцэхүйц хамгаалагдах болно, Францис дахин ус бол нийтлэг ашиг тустай бөгөөд бүгдэд хүртээмжтэй байх ёстой хэмээн онцлон тэмдэглэсэн юм.

Пап лам Францис Хамба лам нарыг хүлээн авав

Пап лам Францис бол дэлхийн бүх Католик шашны удирдагч бөгөөд дэлхийн бүх хүмүүсийн төлөө сайн мэдээ хүргэж, Тэнгэрбурханы хайрыг тунхагладаг билээ. Ариун Эцэг Францис орон орны Хамба лам нарыг хүлээн авах уулзалт зохион байгуулсан бөгөөд Монгол дахь Католик шашны тэргүүн Хамба лам Венсэслао Падилла оролцохоор Ром хотыг зорисон юм. Хамба лам маань Солонгос дахь Католик шашны тэргүүн бусад хамба лам нарын хамтаар 3 сарын 13ны 12 цагийн орчим Пап ламтай уулзсан билээ. Хамба лам Венсэслао Падилла анх Монголд ирээд 23 жил болохдоо сайн мэдээ түгээж, олон мишинерүүдийг удирдан ажиллахын зэрэгцээ сургууль, цэцэрлэг, эмнэлэг, хөгжлийн бэрхшээлтэй хүүхдийн төв, оюутан сурагчдад зориулсан дотуур байр, сургалтын төв, хүүхдийн болон настан буурлуудад зориулсан халамжийн төвүүд гэх мэт олон буяны үйлсээр уламжлан Тэнгэрбурханы хайр ивээлийг хүргэж ирсэн юм. Түүний хөдөлмөрч зан чанар болон бусад мишинерүүд, ахан дүүсийн хүчин чармайлт нь олон хүмүүст ач тусаа үзүүлж, нийгэмд ихээхэн хувь нэмэр оруулсан юм. Тэнгэрбурханы хайр ивээлээр энэ бүх үйл ажиллагаа явуулах боломж өгсөн Ариун Эцэг Францист талархаж байна. Мөн Хамба лам Венсэслао Падиллад энэхүү уулзалтанд оролцсон явдалд бүх итгэгч нарынхаа өмнөөс баяр хүргэж байна. 

Пап лам Францисын уриалгаас

03/09/2015

Даруу төлөв байдал хүмүүнийг авардаг: харин бардам зан түүний замыг нь алдуулдаг.

03/07/2015

Өөрсдийн итгэлийн амьдралаа Христ хэмээх хад чулуун дээр байгуулцгаая.

03/05/2015

Хэрэв бид хэтэрхий их баялагт татагдвал, бид эрх чөлөөгүй болдог. Бид бол боолууд.

03/03/2015

Хэрэв зүрх сэтгэл хайрлахгүй бол хүнд хэцүү болдог. Тэнгэрлэг Эзэн минь, бидэнд хэрхэн хайрлахыг мэддэг зүрх сэтгэлийг өгнө үү.

02/28/2015

Есүс өдөр бүр биднийг өмгөөлдөг. Бүгдээрэй залбирцгаая: Тэнгэрлэг Эзэн минь, намайг өршөөнө үү; намайг өмгөөлнө үү!

Пап лам Францис: НАМИНЧЛАЛЫН УЛИРАЛ БОЛ МУУ ЁРЫН ЭСРЭГ ТЭМЦЛИЙН ЦАГ ҮЕ

Пап лам Францис: Наминчлалын улирал бол бидний Сатан ба зэрлэг цөл тал дахь сорилтын эсрэг тэмцэлддэг цаг үе хэмээн хэлсэн билээ. Тэрээр Ням гаргийн Тэнгэр элчийн уншлагынхаа өмнө, Есүсийн сургаалыг тусган оруулсан “Зүрх сэтгэлийн Аврагч” нэртэй бяцхан товхимолоо хармааны хэмжээтэй хуулбарлан 50000 хувь үнэгүй тараахаа зарласан байна. Хуваарилалтын ихэнхи нь орон гэргүй хүмүүсийн оршин буй Гэгээн Петрийн Талбай дахь мөргөлчдөд хүрсэн байна.  

Пап лам Есүсийг 40 өдрийн турш хэрхэн зэрлэг цөл тал дахь ганцаардал руу явж ороод, Сатантай “гардан тулалдаж” сорилтыг амжилттай даван туулсаныг дурсан санаад: Сатаныг даван туулсан Түүний ялалтаар уламжлан “Бид бүгд ялалт байгуулсан, харин бид өөрсдийн өдөр тутмын амьдралаар энэхүү ялалтаа хамгаалж чаддаг байх хэрэгтэй.”

Тэрээр үргэлжлүүлэн, бид тэрхүү уруу татагч зэрлэг цөл талаас хэрхэн Тэнгэрбурханы дуу хоолойг сонсох боломжтойг тайлбарлав. Гэхдээ бид Түүний үгээр дамжуулан Тэнгэрбурханы дуу хоолойг сонсдог тул Ариун Библийг унших нь чухал, учир нь бид хорон муу нэгний уруу таталтыг сөрөн зогсох чадваргүй юм. Энэхүү наминчлалын улирлын цаг үед Пап лам итгэгч нартаа зориулан өдөр бүр Айлдал уншаад, 10 минут ч хамаагүй утга агуулгыг нь тунгаан бясалгаж, өдөр бүр хармаа юмуу цүнхэндээ авч явахыг зөвлөв. Наминчлалын улирлын зэрлэг цөл тал нь “биднийг ертөнцийн үймээн ба “шүтээнд” хандаж ‘үгүй’ гэж хэлэхэд минь тусладаг бөгөөд, Айлдалтай холбогдоход минь биднээр урам зоригтой сонголт хийлгэж, биднийг ах эгч дүүстэйгээ эв нэгдэлтэй байхад маань хүчирхэгжүүлэн тусладаг билээ.”

Тэрээр төгсгөлд нь дараа ням гаригт бусад Ромын Куриагын гишүүдийн хамт сүнслэг бясалгалаа эхлэх тухай сануулсан билээ. Тэрээр бидний төлөө залбирна уу, хэмээн гуйгаад, ингэснээр энэхүү сүнслэг дадал сургууль болох зэрлэг цөл талд” “бид Есүсийг сонсож чаддаг, бас бид бүгдэд байдаг олон алдаа дутагдлаа засдаг болох бөгөөд ийм байдлаар өдөр бүр бидэн рүү довтолж байдаг сорилтуудыг даван туулдаг.”

Пап лам Францис өөрийн хувийн санаачлагаар Гэгээн Петрийн Талбайд жижиг номын товхимолоо 50000 хувь хэвлэн үнэгүй тараасан болохоо зарласан билээ. Хармаанд авч явахад тохирсон хэмжээтэй, “Зүрх Сэтгэлийн Хамгаалагч” хэмээн нэрлэсэн энэхүү товхимолд “Есүсийн сургааль болон бидний итгэлийн гол сургаалиуд” хэд хэдийг багтаасан болохыг Пап лам тайлбарлав. Тэрээр үүнд “долоон үндсэн ёслол, Ариун Сүнсний бэлгүүд, 10 хууль, буяны үйлс дэх ажлууд болон ач тус”-ын талаар багтаасан болохоо хэлсэн юм.    

Пап лам Францис орон гэргүй олон хүмүүсээс бүрдсэн сайн дурынхны бүлэг нь Гэгээн Петрийн Талбай дахь эргэл мөргөлд хуваарилагдсан болохыг хэлэв. Тэрээр хүн бүрт хандаж, үргэлж сэтгэл зүрхээс гарч байдаг өөрчлөлт болон сүнслэг өсөлтөндөө тус болохын тулд, уг товхимолоос авч өөрийн эргэн тойрондоо авч явахыг шамдуулав. Тэрхүү өөрчлөлт нь биднийг “сайн болон муу ёрын хооронд”, ертөнцийн үймээн болон Айлдал, хайхрамжгүй байдал болон хуваалцал гээд бидний гаргадаг өдөр тутмын сонголтоор хүчээ алддаг. “Хүн төрөлхтөнд шударга ёс, энх тайван болоод хайр энэрэл хэрэгтэй. Харин сайны ундарга болсон ганц Тэнгэрбурханд өөрийн сэтгэл зүрхээр хандсанаар буцааж чадах болно.