Итгэлийн амьдрал гэдэг бол Тэнгэрбурханы амласан газар луу явах нэгэн аян. Ким Peter

Манай Гэгээн Эх Мариа сүмд 2000 оноос хойш ламын сургуулийн оюутнууд хүрэлцэн ирж тодорхой хугацааны турш сүмийн үйл ажиллагаа болон нийгмийн ажилд тусладаг уламжлал тогтсон. Гэхдээ нэгэн өөрчлөлт гарсан нь энэ жил 3 ээлжээр, арай урт 3 сарын хугацаатай сүмд байрлаж үйл ажиллагаанд оролцох юм. Одоо ламын сургуулийн оюутан Ким Peter-тэй хийсэн ярилцлагыг хүргэе.

Сайн байна уу? Тантай багахан ярилцлага хийх гэсэн юм болох уу?

Таатай байна. За баярлалаа.

Монголд ирсэн анхны сэтгэгдэл ямар байсан бэ?

Монголд анх ирээд онгоцны буудлаас гарахад маш хүйтэн байсан. Мөн нэгэн гайхалтай зүйл бол гадаа цагаан, маш үзэсгэлэнтэй харагдаж байсан. Хэдийгээр солонгос улсаас ялгаатай өөр зүйл олон ч мөн адил зүйл их байсан. Анх “Гэгээн Эх Мариа” сүм дээр ирэхэд яг л гэртээ ирж байгаа мэт дотно санагдаж үнэхээр сайхан байсан.

Монголын цаг уураас болоод хүндрэл гарч байна уу?

Надтай ирсэн хоёр семнаристийн хувьд багахан хүндрэлтэй байсан. Харин миний хувьд тийм ч хүндрэлтэй биш байгаа, яагаад гэвэл би Монголын цаг уур болон орчинд амархан дасан зохицож байгаа.

Манай Гэгээн Эх Мариа сүмийн итгэгчдийн харилцаа ямар байна вэ?

Солонгост би Дэжон хотод амьдардаг. Тэнд итгэгчид маань мисанд суугаад л шууд явдаг. Харин Хан-Уул сүмийн итгэгчид маань миса болон мисаны бусад цагаар хоорондоо уулзалдахыг хараад би нэгэн том гэр бүлийг мэдэрсэн. Энэ нь надад үнэхээр гоё санагдсан.

Одоо та бүхэн сүмийн ямар ямар үйл ажиллагаанд түлхүү оролцож байна.

Сүмд болж байгаа бүхий л үйл ажиллагаанд оролцож байгаа. Жишээ нь миний хувьд би хоол хийж үзсэн сонирхолтой байсан. Бид Фр.Хо-гийн удирдлаганд ажиллаж маш олон зүйлийг сурч мэдэж байгаа. Мөн Фр-тай монгол гэрт анх удаа миса хийж үзэхэд сонирхолтой байсан.

Тэнгэрбурханы өгсөн хамгийн том бэлэг таны хувьд юу вэ?

Миний хувьд бол инээмсэглэл, би байнга амархан инээмсэглэдэг. Учир нь би үүгээр бүгдийг мартаж, үргэлж урам зориг авч байдаг.

Таны бодлоор итгэлийн амьдрал гэж юу вэ?

Итгэлийн амьдрал гэдэг бол Тэнгэрбурханы амласан газар луу явах нэгэн аян. Энэ аян үргэлж амархан байдаггүй. Гэхдээ хэцүү үед Тэнгэрбурхан үргэлж тусалж тэрхүү саад бэрхшээлийг даван туулах хүч өгдөг.

Монголд яг хэдий хугацаагаар ирсэн бэ?

Бид 2 сарын 24ний өдөр, 3 сарын хугацаагаар ирсэн. Гэхдээ энэ хугацаа үүгээр дуусахгүй би монголд дахин ирэх болно

§    Бид бүхэнд цаг зав гаргаж, өөрийн үзэл бодлоо хуваалцсан танд баярлалаа.

Бичсэн: Биндэръяа Вероника, ММБ- баг 

Загалмайн зам

Гэгээн Эх Мариа Сүм дээр Дөч хоногт цаг улирлыг тэмдэглэн өнгөрүүллээ. Бид уг цаг улиралд долоо хоног бүрийн баасан гаригт 18.00цагт  Загалмайн зам хийдэг. 

Мөн итгэгч ахан дүүсийн хамт ууланд гарч бидний Эзэний үүрч явсан загалмайг дурсангаа өөрсдийн загалмайг эргэцүүлэн залбирдаг.

Загалмайн замын тухай хүн болгонд өөрийн гэсэн тодорхойлолт байдаг.Лам болохоор бэлтгэж байгаа Дикон Энхээ-ээс загалмайн замын тухай түүний хувийн тодорхойлолтыг хуваалцлаа.

Загалмайн зам гэдэг бол Есүсийн дэлхий дээр Хүн гэдэг утгаараа өнгөрүүлсэн амьдралынх нь сүүлийн мөч гэж хэлж болно. Тэнд байсан хүмүүс Түүн рүү нулимж мөн аймшигтайгаар түүнийг доромжилж байсан ч Есүс тэр хүмүүсийн төлөө

-Ааваа Та энэ хүмүүсийг өршөөгөөч.Учир нь тэд юу хийж байгаагаа мэдэхгүй байгаа хэмээн залбирч байсан.Ерөнхийдөө загалмайн зам гэдэг бол Есүс загалмай үүрч Иерусалимаас эхлээд “Гавлын Толгод” уулан дээр цовдлогдож булшлагдах хүртэлх замыг хэлнэ.

            Загалмай дээр цовдлогдсон Есүсийн цусны дусал бүр нь

“Би чамд хайртай,

Би чамд хайртай,

Би чамд маш их хайртай” 

гэж хашхирч байсан.

Бичсэн: Дөлгөөн Треса, ММБаг