Семинар

Манай Католик итгэгч нарын хүсэлтээр долоо хоног бүр паришуудад Семинар зохион байгуулж байгаа билээ. Өнгөрсөн бүтэн сайнд буюу 6 сарын 9нд манай "Гэгээн Эх Мариа" сүм дээр "Гэгээн Паул"-ын тухай семинар зохион байгуулсан юм. Энэ нь маш том сэдэв бөгөөд Гэгээн Паул бол манай Католик шашны хувьд онцгой байр суурь эзэлдэг үлгэр жишээ итгэгч юм. Семинарыг Ганцэцэг Клара бэлтгэн нэг цагийн хугацаанд маш сонирхолтой явуулсан билээ. Семинар гурван хэсгээс бүрдсэн бөгөөд  1. Гэгээн Паулын амьдрал,  2. Гэгээн Паул өөрийн биеэр болон захидлаар дамжуулан сайн мэдээг түгээж байсан газрын маршрут  3. Захидлууд, ялангуяа Ромд бичсэн захидлаас дэлгэрэнгүй тайлбарлав. Ялангуяа Гэгээн Паул өөрийн итгэл бишрэл, амьдралаар зөвтгөлийг хэрхэн харуулж байгаа нь маш гайхалтай байсан юм. Энэ бүхнээс үзэхэд Гэгээн Паул өөрийн амьдралын цаг мөч бүхэнд Есүсийн заасан авралын замд хүрэх бүхий л боломжийг эрэлхийлж, түүндээ ч хүрдэг байсан явдал нь бидэнд зөвт амьдралаар амьдрах урам зориг, итгэл найдвар өгч байсан билээ. Энэхүү семинарт манай "Гэгээн Эх Мариа" сүмийн итгэгчид болон бусад паришийн итгэгч нар хүрэлцэн ирж идэвхитэй оролцон итгэлийн амьдралдаа үнэтэй хувь нэмэр оруулсан билээ. Манай семинарт хүрэлцэн ирж, Гэгээн Паулаар дамжуулан сайн мэдээг хүлээн авсан бүх итгэгч нартаа талархаж байна.

Бататгах Ариун Ёслол хүлээн авлаа

Манай Католик итгэгч нарын хувьд Бататгах Сакрамент бол их чухал баяртай мөч байдаг билээ.    Энэ жилийн хувьд "Христийн Бие ба Цусны Баярын өдөр буюу 6 сарын 2нд манай "Гэгээн Эх Мариа" сүмд 18 итгэгчид Бататгах ёслолд оролцсон юм.  Мисанд Монгол дахь Католик шашны тэргүүн Хамба лам Венсэслао Падилла хүрэлцэн ирж ёслолыг удирдсан бөгөөд бүх итгэгч нартаа, ялангуяа  Бататгах ариун ёслолд оролцож буй итгэгч нарт "Христийн Бие ба Цусны баяр"ын бэлэг дэмбэрэлтэй өдөр ёслолд орж байгаад нь баяр хүргэсэн билээ. Тэрээр өнгөрсөн жил Израильд явж байхдаа Есүсийн 2 загас, 5 талх хүртээж байсан газар очсон тухайгаа хуваалцаж байхдаа: Есүс бидэнд сүнслэг амьдрал төдийгүй биеийн махбодид ч хэрэгцээт зүйлийг өгдөг. Энэ утгаараа Есүс бидэнд зөвхөн бие махбодийн бус амьдралын талхыг өгдөг болохыг хэлсэн билээ. Есүс ертөнцийн төгсгөл хүртэл бидэнтэй хамт байхыг амласан тул бид Мисанд санваартнаар дамжуулан Түүний бидэнд өгсөн амьдралыг байнга хүлээн авдаг юм. Есүс бидэнд "Би та нарт ямар их хайртай шиг /бие биенээ/ хөршөө хайрлаарай" гэж хэлсэн билээ. Миний хөрш бол миний нэг хэсэг бөгөөд би чиний дотор, чи миний дотор байдаг. Учир нь бид Тэнгэрбурханы төрхөөр бүтээгдсэн өөр өөр хүмүүс боловч итгэлээр нэг болдог хэмээн Хамба лам номлолоо айлдсан юм. Тэрээр Бататгах Сакрамент хүлээн авч буй итгэгч нарын төлөө хамтдаа залбирхыг хүсээд, ёслолыг удирдсан билээ. Энэхүү баярын өдөр хүрэлцэн ирж  Тэнгэрбурханы хайр хишгийг хүлээн авсан та бүхэндээ талархаж байна.             

Мариа Эхийн Шөнө

Жил бүр манай итгэгчид “Мариагийн Шөнө” буюу Адислагдсан Цэвэр Охин Мариагийн Зочлолтын баярын өдрийг ёслон тэмдэглэдэг уламжлалтай билээ. Манай “Гэгээн Эх Мариа” сүмийн хувьд уламжлал ёсоор 19 цагийн мисаны дараа гадаа Мариагийн хөшөөний дэргэд цуглан, сарнайн эрхин залбирлаа залбирч бүлгэм бүрээс бэлтгэсэн урлагийн тоглолтоо итгэгчиддээ толилуулсан юм. Энэ үйл ажиллагаанд Монгол дахь Католик шашны тэргүүн Хамба лам Венсэслао Падилла хүрэлцэн ирж ёслолыг нээн итгэгчдэд баяр хүргэсэн билээ. Итгэгчид маань маш идэвхитэй оролцож таван сарын турш Мариа Эхийн хамт залбирч, Тэнгэрбурханы хайр хишгийг хүлээн авч байгаадаа баяртай байлаа. Ялангуяа манай “Лежио Мариа” бүлгэмийн хувьд залбирлын үйл ажиллагааг идэвхитэй явуулж, итгэлийн амьдралаа улам бүр хөгжүүлдэг юм. Энэ удаагийн Мариагийн Шөнийн ёслолд Лежио Мариа бүлгэмийн дарга Өлзий /Фэлисиа/ их хувь нэмэр оруулж зохион байгуулагчаар ажилласан билээ. Ингээд Өлзий /Фэлисиа / болон энэхүү үйл ажиллагаанд идэвхтэй оролцож Тэнгэрбурханы хайр хишгийг хүлээн авсан та бүхэндээ талархаж байна.

Пап лам Анжэлүс: Ариун Гурвал бол Тэнгэрбурханы дүр юм

Тэнгэр элчийн магтаал, Эзэний өдөрт зориулан мөргөлчид болон жуулчид Пап лам Францистай нэгдэн, Гэгээн Петрийн талбайгаар дүүрсэн байлаа. Мариагийн залбирлын өмнө Гэгээн Эцэг маань Туйлын Ариун Нандин Гурвалын Баярын өдрийг сануулсан юм.  “Амилалтын баяр ба Пентекостын гэрэл гэгээ нь бидний дотор Тэнгэрбурхан бол ямар нэг тодорхойгүй хийсвэр зүйл биш, харин “Тэнгэрбурхан бол Хайр” гэдэг нэртэй болохыг сануулан, бидний итгэлийн баяр хөөр болон гайхамшгийг жил бүр шинэчилдэг билээ.” Туйлын Ариун Нандин Гурвал бол хүн төрөлхтнөөс шалтгаалсан бүтээгдэхүүн биш, харин өөрийгөө гэрчлэн, хүн төрөлхтөнтэй алхаж байгаа Тэнгэрбурханы нүүр царай юм хэмээн Пап лам Францис тайлбарласан билээ. Пап лам Тэнгэр элчийн магтаалыг уншсаны дараагаар хагас сайнд хутагтаар тодорсон, итгэлээсээ болж алагдсан санваартан, Фадер Жусэпэ Пуглисийг дурссан юм. Ерөөлт Жүсэпэ 1993 онд Мафийханд алагдсан бөгөөд түүнийг үлгэр жишээч ялангуяа залуучуудын хороонд зориулагдсан санваартан хэмээн Пап лам Францис тодорхойлжээ.

Ариун Эцэг “нийгмийн маш их дарамтанд байгаа эрэгтэйчүүд, эмэгтэйчүүд, тэр ч байтугай хүүхдүүд хүртэл харамсалтайгаар мафиудад ашиглуулж байгаа”. “Тэд ажлаа хүчлэн хийлгэх явдал нь хүмүүсийг боол, биеэ үнэлэгчтэй адил  болгодог бөгөөд энэ бүх боолчлолын ард нь мафи байна.” Пап лам Францис “боолчлогдон ашиглагдаж буй хүмүүсийн” төлөө Мафийн гишүүдийг хүчтэй шүүмжилж тэднийг гэмшил наминчлалд дуудсан юм.

Мөн Хрисчдийн Туслагч Мариагийн зуучлалыг дуудан, Хятад дахь Сүмийнхээ төлөө залбирхаар Ромд байгаа Хятадын Католик итгэгчдийн бүлэгт зориулан Пап лам мэндчилсэн билээ.   

Эцэст нь Пап лам Францис уламжлал болж ирсэн Туйлын Ариун Нандин Гурвалын Баярын өдөрт зориулан Талбайд байгаа бүх хүмүүст Эзэний өдрийг таатай өнгөрөөж, өдрийн зоогоо амтархан идэхийг хүссэн юм.    

“Ариун Сүнсийг дагахаас бүү ай” хэмээн Пап лам Пентекостын баярын Мисан дээр хэлжээ.

Бүх Католикчууд сүмийн сургаалийг ухамсарлан, дагах үед л зөвхөн олон талт байдал нь  ивээж байна хэмээн Пап лам Францис хэлсэн билээ.
“Энэ нь Христийг надруу, намайг Христ руу хүргэж өгдөг сүм юм; зэрэгцээ аялалууд бол аюултай,” хэмээн тэрээр Пентекостын баярын Мисаны үеэр Гэгээн Петрийн талбайд 200,000 Католик энгийн итгэгч бүлгүүд болон хөдөлгөөнийхөнд хэлсэн юм.
“Хэрэв бид Сүмийн сургааль юмуу хамт олноос гадуур эрсдэлд орвол, Есүс Христ Тэнгэрбурхантай байж, нэг биш байгаа тэдэнтэй бүү үлд,” хэмээн хөдөлгөөнийхөнд, түүнчлэн бүхнийг Татагч Сэргэн Мандалтыг оролцуулан, Фокуларэ хөдөлгөөнийхөн, Шинэ сонсох /ариун угаалын Зам, Христийн Хаанчлал, Нийгэмлэг ба Тэгш эрх болон бусдад зориулан долоо хоногийн сүүлийн Мисанд номлол хийх үедээ хэллээ.
Пап лам Францис хэлэхдээ: Сүмийн удирдагч болон гишүүд Сүм доторх бэлгүүд болон олон төрлийн хөдөлгөөнд урам зориг өгч Ариун Сүнсийг хүлээн зөвшөөрөх хэрэгтэй, гэхдээ өөрсдийн хоньчны захиргаан дор нэг Сүм дотор тэднийг бүгдийг нь нэгтгэх Ариун Сүнсийг ч бас зөвшөөрөх хэрэгтэй.
“Эв нэгдлийг босгоход ялгаатай байдал, олонхыг хамарсан байдал ба төрөл янзаар хуваагдах байдлыг зөвхөн Ариун Сүнс л сэрээж чадна,” хэмээн Пап лам хэлсэн юм.
“Биднийг юу бусдаас ялгаатай бөгөөд онцгой болгож байгаа талаар бид өөрсдийгөө нягтлан үзэж, ялгарах байдлыг бий болгохыг хичээж байх үедээ бид зааг ангилалыг авч ирдэг юм.”
Нөгөөтэйгүүр бид манай хүн төрөлхтний төлөвлөгөөнд нийцсэн эв нэгдлийг босгохыг хүссэн үедээ бид стандартчилсан ба нэг хэвийн байдлыг эцэс болгодог.
Ариун Сүнс тийм өөр өөр бэлгийг гишүүддээ авч ирснээр “Сүмд эмх замбараагүй явдал бий болох байдал” үзэгдэж магадгүй юм. Гэвч хүн бүр өөрсдийгөө Ариун Сүнсээр удирдуулахыг хүсэх үед энэ нь зөрчилдөөний эх үүсвэр болдог хэдий ч, тэд олон зүйлийг эрхэмлэн нандигнаж сурдаг юм хэмээн Пап лам хэлэв.
Ариун Сүнс хүнийг тавгүй болгох явдал ч байдаг гэж Пап лам хэлсэн билээ. “Шинэлэг зүйл бол үргэлж биднийг бага зэрэг айдастай болгодог. Учир нь бид өөрийн амьдралын хөтөлбөр ба төлөвлөгөөг зохиохдоо өөрийн үзэл санаа, өөрийн ая тухтай байдал, өөрийн давуу талдаа нийцүүлсэн тохиолдолд сая бид илүү аюулгүй байдлыг мэдэрдэг.”
Сүнслэг оюун санааны аялал бол ялгаагүй байдаг гэж тэрээр хэлэв. “Тэнгэрбурхан биднийг өөртөө нээлттэй болгохын тулд биднээс өөрсийн дэндүү хавчигдмал, хувиа бодсон болон хязгаарлагдмал байдлаа ардаа үлдээхийг хүчлэн, үүнд чиглүүлэх вий гэдгээс бид айдаг.”
“Энэ бол бидний үед үргэлж тохиолддог тэрхүү уйтгар гунигаас чөлөөлөх ямар нэг шинэ зүйлийн төлөөх эрэл хайгуул, шинэчлэлийн төлөөх шинэлэг асуулттай адилхан зүйл биш юм.” Тэнгэрбурхан бидэнд Ариун Сүнсээр дамжуулан шинэ зүйлд тэмүүлж эрэлхийлэхийг санал болгодог гэж тэрээр хэлэв. “Тэнгэрбурхан зөвхөн бидний сайн сайхны төлөө биднийг хайрлаж бас хүсэл эрмэлзлийг маань биелүүлэхийн тулд жинхэнэ амар тайван, жинхэнэ баяр хөөрийг амьдралд маань өгдөг бөгөөд Тэнгэрбурхан бидэнд үнэхээр биелэгдэх тэр шинэ зүйлийг авч ирдэг юм.”

Семинар

Энэ жил манай “Гэгээн Эх Мариа” сүмийн баптизм хүртсэн итгэгч нар 6.2нд бататгах сакраментэд орох ёслол болохоор бэлтгэж байна. Бататгах сакраментэд зөвхөн ариун угаалыг хүртсэн хүмүүс орох боломжтой бөгөөд Ариун Сүнсний онцгой оргилолт нь тухайн итгэгчийг “Ариун Сүнсний билигт хишгээр тамгалдаг” юм. Тиймээс итгэгчид маань энэхүү ёслолд өөрсдийгөө бэлтгэх зорилгоор сүмээс семинар, бясалгал зохион байгуулахаар шийдсэн билээ. Өнгөрсөн баасан гарагт 05.17нд бататгал сакраментэд оролцох итгэгчдэд зориулан Ариун Сүнс буюу Сүм, Гэрчлэл, Үйлчлэл гэсэн сэдвээр семинар зохион байгууллаа. Энэ удаагийн семинарт бататгах сакраментэд орох итгэгчдээс гадна сонсохыг хүссэн итгэгч нар хүрэлцэн ирж  сонсож өөрсдийн санал бодлоо хуваалцсан юм. Хэдийгээр оройн 20 цагт эхэлсэн боловч итгэгчид маань цаг зав гарган, өөрийн итгэлийн амьдралдаа үнэтэй хувь нэмэр оруулсан та бүхэндээ талархаж байна.

Пентекостын баяр

Манай “Гэгээн Эх Мариа” сүмийн итгэгчид 5 сарын 19нд Пентекостын баярыг тэмдэглэн Магтаал Талархлын Мөргөлөө хамтдаа өргөсөн билээ. Ариун Сүнсний тусламжтайгаар Тэнгэрбурханы амьд сүм хийд бий болсон тул манай Католик сүмийн хувьд томоохон баярын өдөр юм. Баярын Мисаг фр. Франциско Хо болон фр. Чарлиз нар удирдаж ёслол үйлдэн, итгэгчдэд баяр хүргэн Ариун Сүнсний билиг хишгийн талаар дэлгэрэнгүй тайлбарлаж өгсөн билээ. Энэхүү мисанд нисэх, яармаг, зуун мод болон комбинат бүлгэмийн итгэгчид хүрэлцэн ирж хамтдаа тэмдэглэсэн билээ. Пентекостын баярын өдрөөр итгэгч бид бүхэн өөрсдийн сүнсэн дэх Ариун Сүнсний билигт хишгийг улам батжуулж, Христийн итгэл бишрэлийг гэрчлэхэд онцгой хүч нөлөөг хүлээн авдаг юм. Тиймээс Тэнгэрбурханы амьд сүмд энэхүү гайхамшигт мөчийг итгэгчид маань зүрх сэтгэлээ нээн хүлээн авдаг билээ. Та бүхний хүлээн авсан Ариун Сүнсний үр шим, хайр хишиг тань таны гэр бүл, хамт олон, орчин тойронд тань улам хөгжин дэлгэрэх болтугай.