Монгол дахь Католик шашны 20 жилийн ойн баярын Миса

Монгол дахь Католик шашны газар 20 жилийн ойн баярын хүрээнд “Намайг дага” уриан дор олон арга хэмжээ зохион байгуулсан билээ .

Түүнчлэн 20 жилийн ойн баярын арга хэмжээг хүүхэд, насанд хүрэгчид болон залуучууд гэсэн үе шаттай өргөн тэмдэглэсэн юм. Монгол дахь Католик шашны  20 жилийн ойн баярын Миса 2012 оны 7 сарын 8нд болж  Монгол дахь Католик шашны тэргүүн, Хамба лам эрхэм хүндэт Венсэслао Падилла, бусад лам мишинерүүд болон бүх паришийн итгэгчид хамтдаа Катедриалд цуглан Мисанд оролцсон бөгөөд баяр хүргэхээр Ватикан улсын “Шашин дэлгэрүүлэх Яам”-ны нарийн бичгийн дарга, тэргүүн Хамба лам Савио Хон Ватикан улсаас, Солонгос улсад суугаа Ватикан улсын элчин сайд (Нүүнсио) тэргүүн Хамба лам Освалдо Падилла болон Таэжон дахь сүмийн Хамба лам Лаззаро Солонгос улсаас хүрэлцэн ирсэн билээ. Мөн 20 жилийн өмнө Монголд анх Католик шашныг дэлгэрүүлж байсан гурван мишинер лам бол фадер Гилберт, фадер Роберт болон одоо Монголд амьдарч ажиллаж байгаа Монгол дахь Католик шашны тэргүүн, Хамба лам Венсэслао Падилла билээ. Энэхүү баярт оролцохоор фадер Гилберт, фадер Роберт нар Монголд хүрэлцэн ирсэн нь бас том баяр болсон юм. Тэргүүн Хамба лам Савио Хон хэлэхдээ Тэнгэрбурханы сайн мэдээ Монгол улсад ирээд 20 жил болсон ба дэлхийн Католик улс орны нэг болсон явдалд баяр хүргэсэн билээ.

Хар Хорин хотод 800 жилийн дараа дахин Миса өргөлөө

Манай Гэгээн Мариа сүмийн 10 жилийн ойд зориулан санаачилсан  “Эргэл Мөргөл” амжилттай явагдаж Монгол улсын нийслэл байсан Хар Хорин хотод манай бүх паришийн итгэгчид, мишинерүүд хүрэлцэн ирсэн юм. XIII зуунд манай өвөг дээдэс маань Католик шашныг хүндэтгэн хүлээн авч, Хрисчин Монгол итгэгч нар Миса өргөж байсан түүхэн газар 800 жилийн дараа Магтаал Талархлын Мөргөл үйлдэж буйгаараа онцлогтой байлаа. Энэ Мисаг Монгол дахь Католик шашны тэргүүн, хамба лам, эрхэм хүндэт Венсэслао Падилла удирдсан бөгөөд бүх паришийн лам нар оролцсон юм. Хамба лам Венсэслао Падилла “Эргэл Мөргөл”д оролцсон итгэгчид болон энэхүү баярт оролцож буй бүх итгэгчиддээ баяр хүргээд хэлэхдээ өнөөдрийн Миса нь Монгол дахь Католик шашны 20 жилийн ойн баярын хүрээнд томоохон үйл ажиллагаа болж буйг тэмдэглэн хэлсэн юм. Мөн өнөөдөр 06.24 нд буюу баптизм хүртээгч Иохан Баптистын баярын өдөр тохиож бас Мисаны үеэр бороо орж буй нь Тэнгэрбурханы ивээл гэж хүлээн аваарай хэмээн айлдсан юм. Хэдхэн хормын дараа гэхэд бид ил гадаа байсан боловч хамтдаа байснаар норолгүйгээр Магтаал Талархлын Мөргөлөө өргөсөн нь гайхалтай явдал байсан юм.

Эргэл мөргөл

Монгол дахь  Католик сүмийн 20 жил, “Гэгээн эх Мариа сүм”-ийн 10 жилийн ойд зориулсан Эргэл мөргөлийн аян УБ- Хархорин хүртэл 360 км явж байгаа Итгэгчид маш амжилтай байгаа  40 гаруй ах дүүс минь маш урт замыг туулж байгаа ч гэсэн жинхэнэ өөрийн итгэл бишрэлээ хамгаалан заавал зорьсон  газартай очино гэсэн тэдний итгэлийг хараад үнэхээр гайхалтай байсан.Тэдний сэтгэл дотор Тэнгэрбурханы хайр ивээл дүүрэн, гал цогтой нүдийг харсан ямар ч хүн Тэнгэрбурхан ямар агуу юм бэ? Хэмээн дуу алдмаар байлаа 

2012.06.24нд Манай бүх Паришийн итгэгчид 13-р зууны үед манай Монголд Миса өргөж байсан Хархорин хот руу явж Эргэл мөргөлчидтэй хамт Миса хийнэ. Энэ нь Монгол дахь Католик сүмийн хувьд түүхэн зүйл юм. Итгэгч та нар энэ бүгдийн төлөө залбираарай.

Тэнгэрбурхан бид бүгдийг ивээх болтугай.

Монгол дахь Католик шашины 20 жилийн ой Гэгээн эх Мариа сүмийн 10 жилийн ойд зориулсан Эргэл мөргөлийн аян.

Хар Хорин хүрэх“Эргэл Мөргөл”-ийн   зорилго

/2012/

Гол зорилго: Бидэнтэй хамт яваа Есүстэй уулзах.

1. Монгол Католик шашныхаа итгэлийн түүхээ олж авах.

• XIII зууны үед Миса өргөж байсан газрыг эргэж мөргөл үйлдэх.
• Монгол дахь Католик шашны 20 жилийн ой болж буй манай өнөөгийн

Монгол Сүмийг бид бүхэнд хайрласан Тэнгэрбурханы ивээлийн төлөө талархлаа өргөх.

2.   Тэнгэрбурханы хаанчлалыг зорин явж буй бид бүхэн өөрсдийн амьдралаа энэхүү аян замдаа бясалгах.

·         Бусдын өмнө өөрийн итгэлээ гэрчлэх урам зоригийг олж авах.

·         Итгэгч хүн бүр хувийн амьдралын доторх сүсэг бишрэлийн амьдралыг босгон, хэрэгтэй хүч чадлаа олж авах.

3.  Бүх Баптизм хүртсэн хүмүүсийг Эзэний дотор, Түүнтэй хамт нэг болгож өгөхийн төлөө гуйн залбирах.

• Есүс Христийг Эзэнээр хүлээн авсан бүх итгэгчид Аавын гэрт хамтран цуглах боломжийн төлөө гуйн залбирах.

·         Монгол Католик шашныг өөрийн гэсэн оюун санааны чиг мөрөөр даган, итгэлийн үлгэр жишээ үзүүлэх хүн бол “Би” мөн гэдгийг ухаарахын төлөө гуйн залбирах.

2012 оны 6-р сарын 3ны "Дээд Ариун Гурвалт" ням гараг

1-р уншлага: Дх. 4: 32-34, 39-40

2-р уншлага: Ром. 8: 14-17

Айлдал: Мт. 28: 16-20 

Номлол Сонсох

nomlol_2012_06_03.mp3 Listen on Posterous

“Мариа Ауксилюм” Паришийн сүмийн нээлт

2012 оны 5 сарын 31 нд манай Монгол дахь Дон Боско байгууллага, салешин санваартнуудын үүсгэн байгуулсан “Мариа Ауксилюм” париш Дархан хотод шинээр үүд хаалгаа нээлээ. Энэ өдөр манай Католик шашны хувьд Мариагийн сарын төгсгөл болох “Мариагийн шөнө”-ийг тэмдэглэн өнгөрүүлдэг давхар баярын өдөр байлаа. “Мариа Ауксилюм” паришийн нээлтийн ёслолд манай Католик шашны тэргүүн хамба лам Венсэслао Падилла хүрэлцэн ирж сүмийг адислан Мисаг удирдсан билээ. Мөн манай бүх санваартнууд болон бүх паришийн итгэгчид хүрэлцэн ирж энэхүү ёслолын үйл ажиллагаанд оролцсон юм. Мисаны дараа Дарханы итгэгчид баярын мисанд хүрэлцэн ирсэн хүмүүст зориулан тоглолт үзүүлж сонирхолтой арга хэмжээ зохион явуулсан билээ. Мөн хүн бүрт зориулан Мариа Эхийн адисласан  барималыг гарын бэлэг болгон өгсөнд бүгд баяртай байлаа. Дарханы Паришийн хамт олон болон итгэгчдэд шинэ сүмтэй болсонд баяр хүргэн, бидэнд зориулан бэлтгэсэн бүх зүйлд талархаж байна.         

“Мариагийн шөнө” баярын өдөр

Жил бүр Мариагийн сар буюу 5-р сарын сүүлд “Мариагийн шөнө”-г манай “Гэгээн Эх Мариа” паришийн итгэгчид тэмдэглэн өнгөрүүлдэг билээ. Энэ жилийн хувьд Монгол дахь Католик шашны 20 жилийн ойг тохиолдуулан зохион байгуулж буй “Эргэл Мөргөл”-ийн аянд зориулан залбирч бясалгах  онцлогтой байлаа. Бих итгэгчид гадаа Мариагийн цэцэрлэгт хуран цуглаж, “Сарнайн эрхин залбирал” 5 нууц залбиран дотроо бясалган өөрсдийн бэлтгэсэн лаагаа асааж Мариа Эхийн барималын өмнө өргөсөн билээ. “Мариагийн шөнө” баярын энэ өдөр манай Монгол дахь Католик шашны тэргүүн Хамба лам Венсэслао Падилла хүрэлцэн ирж баяр хүргэн, өөрийн бага насандаа Мариа Эхэд дуулдаг байсан дуугаа итгэгчидтэй хамт дуулж залбирсан юм. Мариа бол Есүстэй хамгийн ойр байдаг Гэгээн хүн бөгөөд Тэнгэрбурхан түүнийг “Залбиралын Хатан”-аар өргөмжилсөн билээ. Тиймээс ч Мариа Эх маань хүмүүсийн залбиралыг хамгийн ойроос Тэнгэрбурханд дамжуулан зуучилдаг тул итгэгчдийн хайртай Ээж билээ. Энэ баярын өдөрт манай Солонгос ахан дүүс маань өөрсдийн бэлтгэсэн залбиралын дуугаа өргөж итгэгчдээ баярлуулсан юм. Мөн манай сүмийн залуу фр.Ким болон фр. Хо нар хамтдаа дуу дуулж үзүүлсэн нь их хөгжилтэй байлаа.  Манай Яармаг бүлгэмийн залуус Мариагийн тухай жүжиглэн үзүүлсэн та бүхэнд баярлалаа.